സൗദി ഹെലികോപ്​റ്റര്‍ യെമനില്‍ തകര്‍ന്ന് വീണു;​ 12 മരണം

സനാ: സൗദി ഹെലികോപ്റ്റര്‍ യെമനില്‍ തകര്‍ന്ന് വീണ് 12 പേര്‍ മരിച്ചു. സൗദി സഖ്യ സേനയാണ് ഇക്കാര്യം അറിയിച്ചത്. 2014 സെപ്റ്റംബറില്‍ ഹൂതി വിമതര്‍ യമന്‍ തലസ്ഥാനമായ സന്‍ആ പിടിച്ചെടുക്കുകയും പ്രസിഡന്‍റ് അബ്ദുറബ്ബ് മന്‍സൂര്‍ ഹാദി സൗദിയില്‍ അഭയം തേടുകയും ചെയ്തതോടെയാണ് സൗദി നേതൃത്വം നല്‍കുന്ന സഖ്യസേന യമനില്‍ ഇടപെട്ടത്.


സൗദിയുടെ സുരക്ഷക്കും സുസ്ഥിരതക്കും ഇറാന്‍ ഭീഷണി സൃഷ്ടിക്കുമെന്ന് ബോധ്യപ്പെട്ടതിനാലാണ് സഖ്യസേന യമനില്‍ സൈനിക ഇടപെടല്‍ നടത്തിയതെന്ന് സേന വക്താവും പ്രതിരോധ മന്ത്രാലയ ഉപദേശ്ടാവുമായ മേജര്‍ ജനറല്‍ അഹമദ് അസീരി കഴിഞ്ഞ ദിവസം വ്യക്തമാക്കിയിരുന്നു.



Saudi military aircraft crashes in Yemen killing at least 12