നി​ശാ​ക്ല​ബ്ബി​ലുണ്ടായ തിക്കിലും തിരക്കിലും 17 പേ​ര്‍ മ​രി​ച്ചു

കാരക്കാസ് : നിശാക്ലബ്ബിലെ തിക്കിലും തിരക്കിലുംപെട്ട് 17 പേര്‍ മരിച്ചു. വെനസ്വേലയുടെ തലസ്ഥാനമായ കാരക്കാസിലെ ലോസ് കൊട്ടോറോസ് ക്ലബ്ബിലാണ് സംഭവം. ക്ലബ്ബിലെ കണ്ണീര്‍ വാതക കാനിസ്റ്റര്‍ പൊട്ടിത്തെറിച്ചതാണ് തിക്കും തിരക്കും ഉണ്ടാകാന്‍ കാരണം.

സ്കൂള്‍ വര്‍ഷം അവസാനിച്ചത് ആഘോഷിക്കാന്‍ എത്തിയവരാണ് മരിച്ചത്. ക്ലബ്ബിലുണ്ടായ വഴക്കിനിടെ കണ്ണീര്‍ വാതക കാനിസ്റ്റര്‍ പൊട്ടിത്തെറിച്ചതിനെ തുടര്‍ന്നു അഞ്ഞൂറോളം ആളുകള്‍ പുറത്തേക്ക് ഓടിയിരുന്നു ആ സമയത്താണ് തിക്കിലും തിരക്കിലും പലരും പെട്ടുപോയത്. മരിച്ചവരില്‍ കൂടുതലും പ്രായപൂര്‍ത്തിയാകാത്തവരാണ്. സംഭവവുമായി ബന്ധപ്പെട്ട് ഏഴു പേരെ അറസ്റ്റ് ചെയ്തതായി ആഭ്യന്തരമന്ത്രി നെസ്റ്റോര്‍ റിവെറോള്‍ പറഞ്ഞു.