എഴുപത് ശതമാനം അമേരിക്കക്കാരും സ്വവർഗ വിവാഹത്തെ അനുകൂലിക്കുന്നു; സർവ്വേ

വാഷിങ്ടൺ: എഴുപത് ശതമാനം അമേരിക്കക്കാരും സ്വവർഗ്ഗ വിവാഹത്തെ പിന്തുണയ്ക്കുന്നുവെന്ന് പതിനൊന്നാമത് അമേരിക്കൻ വാല്യൂ സർവ്വേ. ഇതാദ്യമായാണ് ഇത്രയധികം ആളുകൾ സ്വവർഗ വിവാഹത്തെ പിന്തുണയ്ക്കുന്നത്. 28 ശതമാനം ആളുകളാണ് സ്വവർഗ വിവാഹത്തെ എതിർത്ത് അഭിപ്രായം രേഖപ്പെടുത്തിയിരിക്കുന്നത്.

Also Read: വിവാഹത്തിന് മുന്നോടിയായി ശരീരത്തിലെ കൊഴുപ്പ് നീക്കാനുള്ള ചികിത്സയ്‌ക്കിടെ മോഡൽ മരിച്ചു; മരണം കുത്തിവെപ്പിനെ തുടർന്ന്

മതപരമായ ബന്ധമില്ലാത്ത ആളുകളാണ് ഏറ്റവും അധികം പിന്തുണ നൽകിയിരിക്കുന്നത്. 2015 ലാണ് അമേരിക്കയിൽ സ്വവർഗ്ഗ വിവാഹത്തിനുള്ള അവകാശം സുപ്രീംകോടതി അനുവദിക്കുന്നത്.

2016 വോട്ടെടുപ്പിൽ ജനഹിത പരിശോധനയിൽ 61 ശതമാനം അമേരിക്കക്കാരും സ്വവർഗ വിവാഹത്തെ പിന്തുണച്ച് വോട്ട് ചെയ്തു. 37 ശതമാനം പേരാണ് ഏതിർത്ത് വോട്ട് ചെയ്തത്.

Also Read: ഈ തീയതി കുറിച്ചെടുത്തോളൂ, ചന്ദ്രനെക്കുറിച്ച് ഞങ്ങളൊരു രഹസ്യം വെളിപ്പെടുത്തും: നാസ

കഴിഞ്ഞ വർഷം നടത്തിയ സർവ്വേയിൽ 62 ശതമാനം ആളുകളാണ് സ്വവർഗ വിവാഹത്തെ പിന്തുണച്ചത്. സെപ്റ്റംബർ 9 മുതൽ 22 വരെ വിവിധ വിഷയങ്ങളെ അടിസ്ഥാനമാക്കി നടന്ന സർവ്വേയിൽ 2,538 പേരാണ് പങ്കെടുത്തത്.