ഇറാന്‍ യാത്രാവിമാനത്തിനു നേരെ ഇസ്രായേല്‍ യുദ്ധവിമാനം, അപകടം ഒഴിവായത് തലനാരിഴയ്ക്ക്, ഒട്ടേറെ യാത്രാക്കാര്‍ക്ക് പരിക്ക്

ഡമാസ്‌കസ്: ഇറാന്‍ യാത്രാവിമാനത്തിനു നേരെയുണ്ടായ ഇസ്രായേല്‍ യുദ്ധവിമാനത്തിന്റെ അപ്രതീക്ഷിത ഏറ്റുമുട്ടലില്‍ നിരവധി യാത്രക്കാര്‍ക്ക് പരിക്ക്. സിറിയന്‍ തലസ്ഥാനമായ ഡമാസ്‌കസിനു മുകളില്‍ വ്യാഴാഴ്ച നടന്ന ഏറ്റുമുട്ടലിന്റെ ദൃശ്യങ്ങള്‍ ഇറാനിയന്‍ ബ്രോഡ്കാസ്റ്റര്‍ ഐആര്‍ഐബി പകര്‍ത്തിയിട്ടുണ്ട്.


Also Read: ഇന്ന് സര്‍വകക്ഷിയോഗം; സമ്പൂര്‍ണ്ണ ലോക്ക്ഡൗണ്‍ നടപ്പാക്കുമോ? നിയന്ത്രണങ്ങള്‍ എവിടെ?

ഇറാന്‍ യാത്രാ വിമാനത്തിനു സമീപം ഒരു ഇസ്രായേലി യുദ്ധവിമാനം അപകടകരമാം വിധം നീങ്ങുന്നതായി ദൃശ്യങ്ങളില്‍ കാണാം. ഇസ്രായേലി യുദ്ധവിമാനത്തിന്റെ ഇടിയുടെ ആഘാതത്തില്‍ ക്യാബിന്‍ കുലുങ്ങിയതിനെ തുടര്‍ന്ന് യാത്രക്കാര്‍ കരയുന്നതിന്റെ വീഡിയോയും പുറത്തുവിട്ടിട്ടുണ്ട്.


Also Read: ആശങ്കയായി മഹാരാഷ്ട്രയും ആന്ധ്രാപ്രദേശും; വിവിധ സംസ്ഥാനങ്ങളിലെ കൊവിഡ് കണക്കുകള്‍

കൂട്ടിയിടി ഒഴിവാക്കാനായി വിമാനം അതിവേഗം താഴെയിറക്കാന്‍ വിമാന കമ്പനി നിര്‍ബന്ധിതരായതോടെ ഒഴിവായത് വന്‍ ദുരന്തമാണ്. യാത്രാവിമാനം സുരക്ഷിതമായി ഇറങ്ങിയതായാണ് റിപ്പോര്‍ട്ട്. ഇറാനിയന്‍ സ്വകാര്യ കമ്പനിയായ മഹാന്‍ എയറിന്റേതാണ് വിമാനം. സംഭവത്തില്‍ ഇസ്രായേല്‍ പ്രതിരോധ സേനയില്‍ നിന്ന് ഇതുവരെ ഒരു പ്രതികരണവും ലഭിച്ചിട്ടില്ല.