ഷില്ലോങ് ആർച്ച് ബിഷപ്പും മലയാളി വൈദികനും കാലിഫോർണിയയിൽ അപകടത്തിൽ മരിച്ചു

കാലിഫോർണിയ: ഷില്ലോങ് ആർച്ച് ബിഷപ്പും മലയാളി വൈദികനും കാലിഫോർണിയയിൽ ഉണ്ടായ അപകടത്തിൽ മരിച്ചു. ആര്‍ച്ച് ബിഷപ്പ് ഡൊമിനിക് ജാലയും മലയാളി വൈദികനായ ഫാ.മാത്യു വെള്ളാങ്കലും ആണ് കാറപകടത്തിൽ മരിച്ചത്.

ആർച്ച് ബിഷപ്പിനൊപ്പം സഞ്ചരിച്ചിരുന്ന മറ്റൊരു വൈദികനായ ഫാദർ ജോസഫ് പാറേക്കാട്ടിനെ പരിക്കുകളോടെ ആശുപത്രിയിൽ പ്രവേശിപ്പിച്ചു. സലേഷ്യൻ സഭയിലെ അംഗങ്ങളാണ് വൈദികർ. ഫാദർ മാത്യു വെള്ളാങ്കൽ കാലിഫോര്‍ണിയയിലെ ഡാന്‍വി സെന്റ് ഇസിദോര്‍ പള്ളി വികാരിയാണ്.

ലിറ്റർജിക്കൽ ഇന്റർനാഷണൽ കമ്മീഷൻ യോഗം ന്യൂയോർക്കിൽ നടക്കുന്നുണ്ട്.അതിൽ പങ്കെടുക്കാൻ എത്തിയതാണ് ആർച്ച് ബിഷപ്പും ഫാദർ ജോസഫ് പാറേക്കാട്ടും.കാലിഫോർണിയയിലെ ക്ലിയർ ലേക്കിലേക്ക് പോകുന്ന വഴിക്ക് കൊലുസ കൗണ്ടിയിൽ വെച്ച് ഇവരുടെ കാർ ഒരു ട്രക്കുമായി കൂട്ടിയിടിച്ചാണ് അപകടമുണ്ടായത്.

ആർച്ച് ബിഷപ്പിന്റെ നിര്യാണത്തിൽ പ്രധാനമന്ത്രി നരേന്ദ്ര മോദി അനുശോചനം രേഖപ്പെടുത്തി. മേഘാലയയുടെ ഉന്നമനത്തിനായി പ്രവർത്തിച്ച ആർച്ച് ബിഷപ്പ് ഡൊമിനിക് ജാല എന്നും അനുസ്‌മരിക്കപ്പെടുമെന്ന് പ്രധനമന്ത്രി ട്വീറ്റ് ചെയ്തു.