ബ്രസീലിൽ നിശാക്ലബിൽ വെടിവെപ്പ്: 14 മരണം

സാവോ പോളോ: ഫോർട്ടലേസയിലെ തിരക്കേറിയ നിശാക്ലബ്ബിൽ 14 പേരെ അക്രമികൾ വെടിവെച്ച് കൊന്നു. 12 വയസുള്ള കുട്ടിയും മരിച്ചവരിൽ ഉൾപ്പെടുന്നു. ലഹരി വിൽപനസംഘങ്ങൾ തമ്മിലുള്ള പകയാണ് വെടിവെപ്പിൽ കലാശിച്ചതെന്നാണ് പോലീസ് നിഗമനം. പുലർച്ചയോടെ നിശാക്ലബ്ബിലേക്ക് അക്രമികൾ വാഹനങ്ങളിൽ എത്തി ചുറ്റും വെടിയുതിർക്കുകയായിരുന്നു.

പരിക്കേറ്റവരുടെ നില ഗുരുതരമാണെന്നും ക്രൂരമായ ആക്രമണമാണ് നടന്നതെന്നും ബ്രസീൽ പോലീസ് വ്യക്തമാക്കി. സംഭവത്തെ കുറിച്ച് പോലീസ് അന്വേഷണം ആരംഭിച്ചു.