മോഹൻദാസിനെ മഹാത്മയാക്കിയത് സൗത്ത് ആഫ്രിക്ക: മോദി

ജോഹന്നാസ്‌ബർഗ്: മോഹൻദാസിനെ മഹാത്മയാക്കിയത് സൗത്ത് ആഫ്രിക്കയെന്ന് പ്രധാനമന്ത്രി നരേന്ദ്രമോദി. നെൽസൺ മണ്ടേലയുടെയും മഹാത്മാഗാന്ധിയുടെയും കർമ്മഭൂമിയായിരുന്നു സൗത്ത് ആഫ്രിക്ക എന്നും മോദി പറഞ്ഞു. സൗത്ത് ആഫ്രിക്കൻ സന്ദർശനത്തിനിടെ വെള്ളിയാഴ്‌ച ജോഹന്നാസ്‌ബർഗിലെ ഇന്ത്യൻ സമൂഹത്തെ അഭിമുഖീകരിച്ച് സംസാരിക്കുകയായിരുന്നു പ്രധാനമന്ത്രി.

ഇരുരാജ്യങ്ങളും തമ്മിലുള്ള ഉഭയകക്ഷിബന്ധങ്ങൾ ശക്തിപ്പെടുത്തേണ്ടതുണ്ട്. ഇതിനിടയിലുള്ള പ്രതിസന്ധികളും പരിമിതികളും മറികടക്കേണ്ടതുണ്ടെന്നും മോദി പറഞ്ഞു.

മോദി സൗത്ത് ആഫ്രിക്കൻ പ്രസിഡന്റ് ജേക്കബ് സുമയുമായി കൂടിക്കാഴ്‌ച നടത്തി. ഇരുരാജ്യങ്ങളും തമ്മിൽ സാമ്പത്തിക സഹകരണം ഉറപ്പുവരുത്താനും പ്രതിരോധം, ഉൽപ്പാദനം, ഖനനം എന്നീ മേഖലകളിൽ യോജിച്ചുള്ള പ്രവർത്തനം ഉറപ്പാക്കുന്നതിനും കൂടിക്കാഴ്‌ചയിൽ ധാരണയായി.