കൊളംബോ: ശ്രീലങ്കയിൽ ഈസ്റ്റർ ദിനത്തിലുണ്ടായ ഭീകരാക്രമണത്തിന്റെ പശ്ചാത്തലത്തിൽ സ്കൂൾ പ്രിൻസിപ്പലിനേയും അധ്യാപകനേയും അറസ്റ്റ് ചെയ്തു. തീവ്രവാദ സംഘടനയായ നാഷണൽ തൌഹീദ് ജമാഅത്തുമായി ബന്ധമുണ്ടെന്ന സംശയത്തെത്തുടർന്നാണ് അധ്യാപകരെ അറസ്റ്റ് ചെയ്തത്. അതവീശ്വരവേവ സ്കൂളിലെ പ്രിൻസിപ്പൽ നൂർ മുഹമ്മദ് അബ്ദുൽ (56), അധ്യാപകൻ അബീബുൽ ജബ്ബാർ (47) എന്നിവരാണ് അറസ്റ്റിലായത്. ഇവർക്ക് എൻടിജെയുമായി നേരിട്ട് ബന്ധമുണ്ടെന്ന് പോലീസ് വ്യക്തമാക്കി. പ്രതികളെ കോടതിയിൽ ഹാജരാക്കി.
ഈസ്റ്റർ ദിനത്തിലുണ്ടായ ചാവേർ ആക്രമണത്തിൽ 258 ആളുകളാണ് കൊല്ലപ്പെട്ടത്. സംഭവത്തെത്തുടർന്ന് രാജ്യത്ത് സാമുദായിക കലാപം ഉണ്ടായിരുന്നു. ഈ കേസിൽ 70 പേരെ അറസ്റ്റ് ചെയ്തു.
ഈസ്റ്റർ ദിനത്തിലുണ്ടായ ചാവേർ ആക്രമണത്തിൽ 258 ആളുകളാണ് കൊല്ലപ്പെട്ടത്. സംഭവത്തെത്തുടർന്ന് രാജ്യത്ത് സാമുദായിക കലാപം ഉണ്ടായിരുന്നു. ഈ കേസിൽ 70 പേരെ അറസ്റ്റ് ചെയ്തു.