ഗൗട്ട തിരിച്ചു പിടിക്കാനുളള സിറിയന്‍ സേനയുടെ പോരാട്ടം കനക്കുന്നു

ബെയ്റൂട്ട്: സിറിയന്‍ വിമതരുടെ കൈവശമുളള ഗൗട്ട് തിരിച്ചു പിടിക്കാനുളള സിറിയന്‍ സേനയുടെ പോരാട്ടം കനക്കുന്നു. വിമതർ കൈവശം വച്ചിരുന്ന മൂന്നാമത്തെ പ്രദേശം കൂടി സിറിയൻ സേന പിടിച്ചെടുത്തു. ഇതോടെ, കിഴക്കൻ ഗൂട്ടയിലെ 33% പ്രദേശം സിറിയൻ സേനയുടെ കൈവശമായി.

കൃഷിക്കളങ്ങളുള്ള പ്രദേശത്താണ് ഇപ്പോൾ പോരാട്ടം പ്രധാനമായും നടക്കുന്നതെന്നും സൈന്യം മികച്ച രീതിയിലാണ് മുന്നേറുന്നതെന്നും ബ്രിട്ടൻ ആസ്ഥാനമായ സന്നദ്ധ സംഘടന സിറിയൻ ഒബ്സർവേറ്ററി ഫോർ ഹ്യൂമൻ റൈറ്റ്സ് അറിയിച്ചു.

2012 ലാണ് കിഴക്കൻ ഗൗട്ടിന്‍റെ നിയന്ത്രണം സിറിയൻ സർക്കാരിനു നഷ്ടപ്പെടുന്നത്. ഇസ്‌ലാമിക്, ജിഹാദി സംഘടനകളുടെ കൈവശമാണ് ഇപ്പോഴിത്.