സിറിയയിൽ രാസാക്രമണം; ഇത്തവണ ക്ലോറിൻ ബോംബ്

ഇദ്‌ലിബ്: സിറിയയിൽ വീണ്ടും രാസാക്രമണം. ഹെലികോപ്റ്ററില്‍ നിന്നാണ് ക്ലോറിന്‍ ബോംബ് വര്‍ഷിച്ചത്. വിഷവാതകം ശ്വസിച്ച് അവശരായ 18 സ്ത്രീകളും 10 കുട്ടികളുമടക്കം 33 പേരെ ആശുപത്രിയിലേക്കു മാറ്റി. നിരവധി പേ‍ർക്ക് പൊള്ളലേറ്റിട്ടുണ്ട്.

ക്ലോറിന്‍ സിലിണ്ടറുകളടങ്ങിയ അഞ്ചു ബാരലുകള്‍ ഹെലികോപ്റ്ററില്‍ നിന്ന് വീടുകളുള്ള സ്ഥലത്തേക്ക് ഇടുകയായിരുന്നുവെന്ന് രക്ഷാപ്രവര്‍ത്തനത്തിന് നേതൃത്വം നല്‍കുന്നവര്‍ പറഞ്ഞു. സംഭവത്തില്‍ സിറിയന്‍ സൈന്യമോ ഇവരെ സഹായിക്കുന്ന റഷ്യന്‍ സഖ്യസേനയോ പ്രതികരിച്ചിട്ടില്ല. മുന്‍പും പല തവണ സിറിയയില്‍ വിഷ ബോംബാക്രമണം ഉണ്ടായിട്ടുണ്ട്