ദുബായ് മല നിർമ്മിക്കുന്നു; മഴ പെയ്യിക്കാൻ!

ദുബായ്; യുഎഇ ലോകത്തിന് നൽകുന്ന അത്ഭുതങ്ങളുടെ കൂട്ടത്തിലേക്ക് മഴ പ‍ർവതങ്ങളും. കുന്നുകളെല്ലാം ഇടിച്ചു നിരപ്പാക്കുന്നവർക്ക് മരുഭൂമിയിൽ പച്ചപ്പിനും മഴയ്ക്കുമായി ശ്രമിക്കുന്ന യു.എ.ഇയുടെപുതിയ പദ്ധതി വലിയൊരു അതിശയവും പാഠവും തന്നെയാണ്. അറേബ്യൻ ബിസിനസ്സ് എന്ന പ്രസിദ്ധീകരണമാണ് യുഎഇ മഴയ്ക്കുവേണ്ടി മല നിർമ്മിക്കുന്ന വാർത്ത പുറത്തു വിട്ടത്.

1.2മൈൽ ഉയരമുള്ള മല പണിതുയർത്തി മേഘം തടഞ്ഞു നിർത്തി മഴപെയ്യിക്കാനുള്ള ശ്രമത്തിലാണിവർ230 ബില്യൻ ഡോളറാണ് ഇതിനായി ചെലവ് കണക്കാക്കുന്നത്. കൃത്രിമമായി കുന്ന് നിർമിക്കുന്നതിലൂടെ എങ്ങനെ മഴയുടെ അളവ് കൂട്ടാമെന്ന പഠനത്തിലാണിപ്പോൾ യു.എ.ഇ. യു എസ് ആസ്ഥാനമായി പ്രവര്‍ത്തിക്കുന്ന ദേശീയ അന്തരീക്ഷ ഗവേഷണ കേന്ദ്ര (എന്‍.സി.എ.ആർ)ത്തിന്റെ സഹായത്തോടെയാണ് പഠനത്തിന് തുടക്കമിട്ടിരിക്കുന്നത്.

മഴയുണ്ടാകാൻ, എങ്ങനെയുള്ള കുന്നുകൾ വേണം,ഏതു രൂപത്തിലായിരിക്കണം, എത്ര ഉയരത്തിൽ വേണം എന്നീ കാര്യങ്ങളൊക്കെ പഠിച്ചുവരികയാണെന്ന് മാഗസിനിലെ വിവരണത്തിൽ പറയുന്നു. ഈ വേനൽക്കാലത്തോടെ ആദ്യഘട്ട റിപ്പോർട്ട് യുഎഇക്ക് റിസർച്ച് സെന്റർ കൈമാറും. മഴ പോതുവെ മാറി നില്‍ക്കുന്ന രാജ്യമാണ് യുഎഇ. വിരലിലെണ്ണാവുന്ന ദിവസങ്ങലില്‍ മാത്രമാണ് ഇവിടെ മഴ ലഭിക്കുക.