ഇറ്റലിയില്‍ ട്രെയിൻ അപകടം: മരണം 25 ആയി

ഇറ്റലിയുടെ ആന്‍ഡ്രിയ നഗരത്തിനു സമീപം പാസഞ്ചര്‍ ട്രെയിനുകള്‍ കൂട്ടിയിടിച്ചു മരിച്ചവരുടെ എണ്ണം 25 ആയി. ​ഒട്ടേറെപ്പേര്‍ക്കു പരുക്കേറ്റിട്ടുണ്ട്. നിരവധി പേരുടെ പേരുടെ നില അതീവ ഗുരുതരമാണ്. അപകടകാരണം വ്യക്തമല്ല.

ഇന്നലെ രാവിലെ 11.30 ഓടെയായിരുന്നു അപകടം. നാലു ബോഗികള്‍ വീതമുള്ള ട്രെയിനുകള്‍ ഇടിയുടെ ആഘാതത്തില്‍ പൂര്‍ണമായും തകര്‍ന്നു. ബോഗികള്‍ ഇടിച്ചുചളുങ്ങി. അവശിഷ്ടങ്ങള്‍ ഇരുവശത്തുമുള്ള ഒലിവ് മരങ്ങള്‍ക്കിടയിലേക്കു ചിതറിത്തെറിച്ചു.