പാകിസ്ഥാനില്‍ ട്രെയിന്‍ അപകടത്തില്‍ 6 മരണം,150 പേര്‍ക്ക് പരിക്ക്

കറാച്ചി: പാകിസ്ഥാനിലെ കറാച്ചിക്കടുത്ത് പാസഞ്ചർ ട്രെയിനും ചരക്കു ട്രെയിനും കൂട്ടിയിടിച്ച് ആറ് പേര്‍ മരിച്ചു. 150 പേർക്ക് അപകടത്തിൽ പരിക്കേറ്റു. പഞ്ചാബ് പ്രവിശ്യയിലെ മുൾട്ടാന് അടുത്ത് വെച്ചായിരുന്നു അപകടം.

ചരക്കു ട്രെയിനിടിച്ചു മരിച്ച ആളുടെ മൃതദേഹം എടുക്കാനായി ലോക്കോപൈലറ്റ് ട്രെയിൻ നിർത്തിയതിനെ തുടർന്ന് എതിരെ വന്ന അവാം എക്സ്പ്രസ് ചരക്കുവണ്ടിയില്‍ ഇടിക്കുകയായിരുന്നു. പരിക്കേറ്റവരിൽ പത്ത് പേരുടെ നില അതീവ ഗുരുതരമാണ് എന്ന് ജിയോ റിപ്പോർട്ട് ചെയ്തു. കറാച്ചിയിൽ നിന്ന് പെഷവാറിലേക്ക് പോകുകയായിരുന്നു പാസഞ്ചർ ട്രെയിൻ. അപകടത്തെ കുറിച്ച് റെയിൽവേ അന്വേഷണം ആരംഭിച്ചു.