ന്യൂയോര്ക്ക്: ഒരു അപകടത്തിന്റെ ഞെട്ടിക്കുന്ന ദൃശ്യങ്ങളാണ് സമൂഹ മാധ്യമങ്ങളില് പ്രചരിക്കുന്നത്. നിരവധി വാഹനങ്ങള് ഉള്പ്പെട്ട ഭയാനകമായ അപകടത്തിന്റെ ദൃശ്യങ്ങള് ട്വിറ്ററില് നിരവധി പേരാണ് പങ്കുവെക്കുന്നത്. യുഎസിലെ ടക്സസില് നിന്നുള്ളതാണ് ഈ ദൃശ്യങ്ങള്.
Also Read പാകിസ്ഥാനില് വീണ്ടും ഭൂട്ടോ ഭരണം വരുമോ? ഇമ്രാന് ഖാനെതിരെ കരുനീക്കവുമായി ബിലാവല് ഭൂട്ടോ
മൂന്ന് വാഹനങ്ങളെ ഇടിച്ചുതെറിപ്പിച്ചുകൊണ്ട് 18 ചക്രങ്ങളുള്ള ഒരു ട്രക്ക് തലകീഴായി മറിയുന്നതാണ് വീഡിയോയിലുള്ളത്. ടെക്സസിലെ ലബ്ബോക്ക് കൗണ്ടിയില് 84 ഹൈവേയിലാണ് ഏറെ നാടകീയമായ അപകടം നടന്നത്.
Also Read ജനാധിപത്യത്തിലെ കറുത്ത ദിനം: ഇടതുപാര്ട്ടികളുടെ റാലിക്കിടെ സംഘര്ഷം; ബംഗ്ലാദേശില് നിരവധിയാളുകള്ക്ക് പരിക്ക്
രണ്ട് കാറുകളാണ് ആദ്യം കൂട്ടിയിടിച്ചത്. അതിനിടയിലേക്ക് ഇരച്ചെത്തിയ 18 ചക്രങ്ങളുള്ള ട്രക്ക് കാറുകളെയും തുടര്ന്ന് മറ്റൊരു വാഹനത്തെയും ഇടിച്ച് മുന്നോട്ടുപോയി. പിന്നീട് റോഡരികിലേക്ക് മറിയുകയായിരുന്നു.
ആദ്യത്തെ അപകടത്തെ തുടര്ന്ന് അവിടെയെത്തിയ സുരക്ഷാ ഉദ്യോഗസ്ഥരടക്കം ട്രക്ക് വരുമ്പോള് ഓടിമാറുകയായിരുന്നു. ട്രക്ക് മറിഞ്ഞതിന് പിന്നാലെയെത്തിയ മറ്റു ചില വാഹനങ്ങള് ട്രിക്കില് ഇടിച്ച് അപകടത്തില്പെട്ടു.
Also Read കോംഗോയില് വീണ്ടും ഇസ്ലാമിക് ജിഹാദി ആക്രമണം; 23 പേര് കൊല്ലപ്പെട്ടു
ട്രക്ക് ഇടിച്ച രണ്ട് വാഹനങ്ങളുടെ ഡ്രൈവര്മാര്ക്ക് ഗുരുതരമായി പരിക്കേറ്റു. ഇവരെ ഉടന് ആശുപത്രിയിലെത്തിച്ചു.
അപകടത്തെക്കുറിച്ച് പോലീസ് അന്വേഷണം തുടങ്ങിയിട്ടുണ്ട്. സ്ഥലത്ത് മൂടല് മഞ്ഞ് ഉണ്ടായിരുന്നതിനാല് ഡ്രൈവറുടെ കാഴ്ച മങ്ങിയതാണോ അപകടത്തിന് കാരണമെന്നും സംശയിക്കുന്നുണ്ട്.
Also Read ജനാധിപത്യ പ്രക്ഷോഭകന് കസ്റ്റഡിയില് മരിച്ചു; 29 ഇന്റലിജന്സ് ഓഫീസര്മാര്ക്ക് വധശിക്ഷ