വാഷിംഗ്ടൺ: ത്രിരാഷ്ട്ര സന്ദർശനങ്ങളുടെ ഭാഗമായി പ്രധാനമന്ത്രി നരേന്ദ്ര മോദി യു എസിൽ എത്തി. ശനിയാഴ്ച വൈകുന്നേരമാണ് (ഇന്ത്യൻ സമയം ഞായറാഴ്ച രാവിലെ) മോദി യു എസിൽ എത്തിയത്. യു എസിൽ എത്തിയ മോദിയെ ഇന്ത്യൻ അംബാസഡർ നവ്തേജ് സർണ, ഭാര്യ അവിന സർണ എന്നിവർ ചേർന്ന് സ്വീകരിച്ചു.
വാഷിംഗ്ടൺ ഡിസിയിലെ ജോയിൻ്റ് ബേസ് ആൻഡ്രൂസിൽ എത്തിയ മോദി അവിടെ കാത്തുനിന്ന ഇന്ത്യൻ പൌരന്മാരുമായി കൂടിക്കാഴ്ച നടത്തി.
അതേസമയം, മോദിക്ക് ചുവപ്പു പരവതാനി വിരിച്ച് സ്വാഗതമരുളാൻ വൈറ്റ് ഹൌസ് അധികൃതർ തയ്യാറെടുക്കുകയാണ്. യു എസ് പ്രസിഡൻ്റ് ഡൊണാൾഡ് ട്രംപുമായുള്ള കൂടിക്കാഴ്ചയെ കൂടാതെ ഞായറാഴ്ച രാവിലെ യുഎസ് സി ഇ ഒമാരുമായും മോദി കൂടിക്കാഴ്ച നടത്തും.
അതേസമയം, മോദിയെ സ്വാഗതം ചെയ്ത് ട്രംപ് ട്വീറ്റ് ചെയ്തു. വിശ്വസ്തനായ സുഹൃത്ത് എന്നാണ് മോദിയെ ട്രംപ് വിശേഷിപ്പിച്ചത്. ''ഇന്ത്യൻ പ്രധാനമന്ത്രി നരേന്ദ്ര മോദിയെ തിങ്കളാഴ്ച വൈറ്റ് ഹൌസിലേക്ക് സ്വാഗതം ചെയ്യാൻ കാത്തിരിക്കുന്നു. തന്ത്രപ്രധാനമായ കാര്യങ്ങൾ വിശ്യസ്തനായ സുഹൃത്തുമായി ചർച്ച ചെയ്യാനുണ്ട്'' - ട്രംപ് ട്വിറ്ററിൽ കുറിച്ചു.
PM narendramodi arrives in the US
PM narendramodi arrives in the US on the second leg of his three-nation visit.