'കൊവിഡ് മുക്തി നേടി; പ്രതിരോധ ശേഷി ലഭിച്ചു'; അവകാശവാദവുമായി ട്രംപ്

വാഷിങ്ടൺ: താൻ കൊവിഡ് പ്രതിരോധ ശേഷി നേടിയെന്ന പ്രഖ്യാപനവുമായി അമേരിക്കൻ പ്രസിഡന്റ് ഡോണൾഡ് ട്രംപ്. നിങ്ങൾക്ക് പ്രതിരോധ ശേഷിയുള്ള ഒരു പ്രസിഡന്റ് ഉണ്ട് എന്ന് ട്രംപ് പറഞ്ഞു. തെരഞ്ഞെടുപ്പ് പ്രചാരണത്തിലേക്ക് മടങ്ങാൻ ഒരുങ്ങുമ്പോഴാണ് ട്രംപിന്റെ അവകാശവാദം.

Also Read: 'ഇന്റർനെറ്റിന്റെ മധ്യസ്ഥൻ'; ലുക്കീമിയ ബാധിച്ച് മരിച്ച 15 കാരനെ വാഴ്ത്തപ്പെട്ടവനാക്കി കത്തോലിക്കാ സഭ

ഒരുപക്ഷേ കുറച്ചുകാലത്തേക്കോ, ദീർഘകാലത്തേക്കോ അതുമല്ലെങ്കിൽ ജീവിതകാലം മുഴുവനുമോ തനിക്ക് പ്രതിരോധ ശേഷി ലഭിച്ചിട്ടുണ്ട്. എന്നാൽ അതേപ്പറ്റി ആർക്കും കൃത്യമായി അറിയില്ല. പക്ഷേ തനിക്ക് പ്രതിരോധ ശേഷിയുണ്ടെന്നാണ് ട്രംപിന്റെ അവകാശവാദം. ഫോക്സ് ന്യൂസിനോടായിരുന്നു ട്രംപിന്റെ പ്രതികരണം. ട്രംപിൽ നിന്നും കൊവിഡ് പടരാനുള്ള സാധ്യത ഇല്ലെന്ന് വൈറ്റ് ഹൗസ് ഡോക്ടർ സ്ഥിരീകരിച്ചിരുന്നു.

Also Read: ക്ഷയത്തിനുള്ള ബിസിജി വാക്സിൻ കൊവിഡിനെ പ്രതിരോധിക്കുമോ? യുകെയിൽ പരീക്ഷണം

അതേസമയം, കൊവിഡ് ബാധിച്ചയാൾക്ക് രണ്ടാമതും രോഗം ബാധിക്കാതിരിക്കാൻ തക്കവിധം പ്രതിരോധ ശേഷി ലഭിക്കുമോയെന്ന് ഇനിയും വ്യക്തമായിട്ടില്ല.