തെരഞ്ഞെടുപ്പ് വിജയം: പു​ടി​ന് ഡൊണാൾഡ് ട്രം​പിന്‍റെ അഭിനന്ദനം

വാഷിങ്ടൺ: നാലാം തവണയും റഷ്യൻ പ്രസിഡന്‍റായി തെരഞ്ഞെടുക്കപ്പെട്ട വ്ളാദിമിർ പുടിന് യുഎസ് പ്രസിഡന്‍റ് ഡോണൾഡ് ട്രംപിന്‍റെ അഭിനന്ദനം. തെരഞ്ഞെടുപ്പിൽ 76.69 ശതമാനം വോട്ടു നേടിയാണ് പുടിൻ വീണ്ടും റഷ്യയുടെ പ്രസിഡന്‍റായത്. സമീപ ഭാവിയിൽ ആയുധ പന്തയവുമായി ബന്ധപ്പെട്ട് പുടിനുമായി കൂടിക്കാഴ്ച ന‌ടത്തുമെന്നും ട്രംപ് അറിയിച്ചു.

യുഎസും റഷ്യയും തമ്മിലുള്ള ആ‍യുധപന്തയം കൈവിട്ടു പോകുകയാണെന്നും എന്നാൽ ആരെയും തങ്ങൾക്ക് ഒപ്പമെത്താൻ അനുവദിക്കില്ലെന്നും ട്രംപ് ചൂണ്ടിക്കാട്ടി. മുൻ റഷ്യൻ ഇരട്ടച്ചാരൻ സെർജി സ്ക്രിപാലിനും മകൾ യൂലിയയ്ക്കും നേർക്കുണ്ടായ രാസായുധ ആക്രമണ വിഷയത്തിൽ യുഎസ് പ്രസിഡന്‍റ് പ്രതികരിക്കാൻ തയ്യാറായില്ല.