കിമ്മുമായി ചർച്ചയാകാമെന്ന് ഡൊണാൾഡ് ട്രംപ്

വാഷിങ്‍ടൺ: ദക്ഷിണ, ഉത്തര കൊറിയകൾ തമ്മിലുള്ള ചർച്ചയിൽ പ്രതീക്ഷയുണ്ടെന്ന് വ്യക്തമാക്കി ഡൊണാൾഡ് ട്രംപ്. ഇതിന് പുറമെ, ഉത്തര കൊറിയൻ നേതാവ് കിം ജോംങ് ഉന്നുമായി ടെലിഫോൺ ചർച്ചക്ക് പൂർണ സമ്മതമാണെന്നും ട്രംപ് അറിയിച്ചു. ക്യാമ്പ് ഡേവിഡിൽ പ്രസിഡൻഷ്യൽ റിട്രീറ്റിൽ മാധ്യമപ്രവർത്തകരോട് സംസാരിക്കുകയായിരുന്നു ട്രംപ്.

ദക്ഷിണ കൊറിയയും ഉത്തര കൊറിയയും തമ്മിൽ അടുത്താഴ്‌ച ചർച്ച ആരംഭിക്കും. ഇരു രാജ്യങ്ങളും തമ്മിൽ നടന്നു വന്ന ചർച്ച നിർത്തിവെച്ചതോടെയാണ് അമേരിക്കയും സോളും സംയുക്തമായി നടത്തിയിരുന്ന സൈനികാഭ്യാസം നിർത്തിയത്. കിമ്മുമായുള്ള ചർച്ചക്ക് നിബന്ധനകൾ പാടില്ലെന്ന് ട്രംപ് ആവശ്യപ്പെട്ടു.