വിസാ നിരോധനത്തില്‍ നിന്ന് ഇറാഖിനെ ഒഴിവാക്കിയേക്കും

വാഷിങ്‍ടൺ: യു.എസ് വിസാ നിരോധനം ഏർപെടുത്തിയിരിക്കുന്ന ഏഴു മുസ്ലിം രാജ്യങ്ങളുടെ പട്ടികയിൽ നിന്ന് ഇറാഖിനെ നീക്കം ചെയ്യും. അമേരിക്കൻ പ്രസിഡന്‍റ് ഡൊണാൾഡ് ട്രംപിന്‍റെ പുതിയ ഇമിഗ്രേഷൻ ഉത്തരവില്‍ ഇറാഖിനെ ഒഴിവാക്കുന്നത്.

പേര് വെളിപ്പെടുത്താത്ത അമേരിക്കൻ ഉദ്യോഗസ്ഥരെ ഉദ്ധരിച്ചുകൊണ്ട് അസോസിയേറ്റഡ് പ്രസ് ആണ് ഇക്കാര്യം റിപ്പോർട്ട് ചെയ്തത്. പെന്‍റഗണിൻെറയും സ്റ്റേറ്റ് ഡിപ്പാർട്ട്മെന്‍റിന്‍റെയും സമ്മർദമാണ് തീരുമാനത്തിന് പിന്നിലെന്ന് നാല് ഉദ്യോഗസ്ഥർ വ്യക്തമാക്കി. ഐ.എസിനെതിരായ പോരാട്ടത്തിൽ മുഖ്യപങ്കു വഹിക്കുന്ന ഇറാഖിനെ വിസാ നിരോധന പട്ടികയിൽ ഉൾപ്പെടുത്തിയത് പുനഃപരിശോധിക്കണമെന്ന് വൈറ്റ് ഹൗസിനോട് പ്രതിരോധ വിഭാഗം ആവശ്യപ്പെട്ടു.

Trump ready to lift visa ban on Iraq

Donald Trump is likely to lift visa ban on Iraq