ട്രാന്‍സ് പസഫിക് കരാറില്‍ നിന്നും അമേരിക്ക പിന്‍വാങ്ങി

വാഷിങ്ടണ്‍: ഏഷ്യന്‍ രാജ്യങ്ങളുമായുള്ള വ്യാപാര ബന്ധം വര്‍ധിപ്പിക്കുന്നതിനായി മുന്‍ പ്രസിഡന്റ് ഒബാമ കൊണ്ടുവന്ന ട്രാന്‍സ് പസഫിക് കൂട്ടായ്മയില്‍ (ട്രാന്‍സ് പസഫിക് പാര്‍ടര്‍ഷിപ്പ്) നിന്നും അമേരിക്ക പിന്‍വാങ്ങുന്നതായി പ്രസിഡന്റ് ഡൊണാള്‍ഡ് ട്രംപ് അറിയിച്ചു. ഒബാമയുടെ ആരോഗ്യപദ്ധതിയായ ഒബാമ കെയര്‍ നിര്‍ത്തലാക്കിയതിന് പിന്നാലെയാണ് ട്രംപ് ഒബാമ കൊണ്ടുവന്ന മറ്റൊരു പദ്ധതി കൂടി അനസാനിപ്പിക്കുന്നത്.

ഒബാമയുടെ ഏഷ്യന്‍ രാജ്യങ്ങളോടുള്ള ബന്ധത്തിന്റെ അച്ചാണി എന്ന് വിശേഷിപ്പിക്കാവുന്ന വ്യപാര നയമാണ് ട്രാന്‍സ് പസഫിക് കൂട്ടായ്മ അഥവാ ടി.പി.പി. 12 രാജ്യങ്ങളാണ് ഈ കൂട്ടായ്മയിലുള്ളത്. ഒരു അമേരിക്കന്‍ തൊഴിലാളിയെ സംബന്ധിച്ചിടത്തോളം വളരെ വലിയ ഒരു കാര്യമാണ് ഇപ്പോള്‍ ചെയ്തിരിക്കുന്നതെന്ന് ട്രംപ് പ്രതികരിച്ചു.

ചില അന്താരാഷ്ട്ര സംഘടനകള്‍ക്ക് നല്‍കി വന്നിരുന്ന ഫണ്ടും അദ്ദേഹം നിര്‍ത്തിവെച്ചിട്ടുണ്ട്.
തിരഞ്ഞെടുപ്പ് ക്യാമ്ബെയിന്‍ സമയത്ത് ടിപിപിക്കെതിരെ രൂക്ഷ വിമര്‍ശനമായിരുന്നു ട്രംപ് ഉന്നയിച്ചിരുന്നത്. ടിപിപി അമേരിക്കയുടെ ഉല്‍പ്പാദനത്തെ തകര്‍ത്തു എന്നായിരുന്നു അന്ന് അദ്ദേഹം അഭിപ്രായപ്പെട്ടത്. ടിപിപിയില്‍ നിന്ന് അമേരിക്ക പിന്‍മാറിയതോടെ കരാര്‍ ഇനി നിലനില്‍ക്കില്ലെന്ന് ഏറെക്കുറെ ഉറപ്പായി.

Trump signs order withdrawing U.S. from Trans-Pacific trade deal.