രാജ്യങ്ങളുടെ വളര്‍ച്ചയില്‍ ആശങ്ക പ്രകടിപ്പിച്ച് ട്രംപ്

വാഷിംഗ്ടണ്‍: ഇന്ത്യ, ചൈന എന്നീ രാജ്യങ്ങളുടെ വളര്‍ച്ചയില്‍ ആശങ്ക പ്രകടിപ്പിച്ച് അമേരിക്കന്‍ പ്രസിഡന്‍റ് ഡോണള്‍ഡ് ട്രംപ്. ഈ രാജ്യങ്ങള്‍ക്കു നല്‍കിവരുന്ന സാമ്പത്തിക സഹായം അവസാനിപ്പിക്കാന്‍ അമേരിക്ക തയ്യാറെടുക്കുന്നതായും ട്രംപ് അറിയിച്ചു.

സമ്പദ്ഘടനയില്‍ വളരുന്ന രാജ്യങ്ങളായ ഇന്ത്യയ്ക്കും ചൈനയ്ക്കുമാണ് നമ്മള്‍ സഹായം ചെയ്തുകൊണ്ടിരിക്കുന്നത്. ഇത് വിചിത്രമായ വസ്തുതയാണ്. നമ്മള്‍ ഇത് അവസാനിപ്പിക്കാന്‍ പോകുകയാണെന്ന് ട്രംപ് വ്യക്തമാക്കി.

ചൈനയെ ലോകത്തെ ഏറ്റവും വലിയ സാമ്പത്തിക ശക്തിയായി വളരാന്‍ സഹായിച്ചത് ലോക വ്യാപാര സംഘടനയാണെന്നും ട്രംപ് ആരോപിച്ചു.