ഐഎസിനെതിരെ സൈനിക നീക്കവുമായി തുര്‍ക്കി

അങ്കാറ: ഐഎസ് ഭീകരരെ തുരത്താനായി തുര്‍ക്കി സൈന്യം സിറിയയിൽ പ്രവേശിച്ചു. തുർക്കിക്ക് ഐഎസിനെതിരെ പൊരുതാന്‍ മുഴുവന്‍ പിന്തുണയും അമേരിക്കന്‍ സൈന്യം നല്‍കുന്നുണ്ടെന്ന് റോയിട്ടേഴ്‌സ് റിപ്പോർട്ട് ചെയ്തു.

ഐഎസിനെ കൂടാതെ കുർദ്ദ് വിമതരെയും തുർക്കി നേരിടാൻ പദ്ധതിയിടുന്നുണ്ട്.സിറിയയിലെയും തുർക്കിയിലെയും കുർദ്ദുകൾ ഒന്ന് തന്നെയാണെന്ന നിലപാടാണ് തങ്ങൾക്കുള്ളതെന്നു തുർക്കി പ്രസിഡന്‍റ് എർദുഗാൻ വ്യക്തമാക്കി. എന്നാൽ തുർക്കിയിൽ എത്തിയ യുഎസ് വൈസ് പ്രസിഡന്‍റ് ജോ ബൈഡൻ കുർദ്ദുകൾക്കെതിരായ തുർക്കി നീക്കം അമേരിക്കക്ക് അംഗീകരിക്കാനാവില്ലെന്ന് വ്യക്തമാക്കി.

തുർക്കി സൈനിക നീക്കം തുടങ്ങിയ ശേഷമാണ് ബൈഡൻ അംഗാറയിലെത്തിയത്. കഴിഞ്ഞ ദിവസം തുർക്കിയിൽ വിവാഹാഘോഷത്തിനിടെ ഐഎസ് ആക്രമണത്തിൽ 54 പേര്‍ കൊല്ലപ്പെട്ടതോടെയാണ് ഐഎസിനെതിരെ നീങ്ങാൻ തുർക്കി തയ്യാറായത്.