തുര്‍ക്കിയില്‍ സൈനിക ഹെലികോപ്ടറിനെതിരെ വെടിവെപ്പ്: 2 പേര്‍ മരിച്ചു

അങ്കാറ: വടക്കന്‍ സിറിയയില്‍ തുര്‍ക്കിഷ് സൈനിക ഹെലികോപ്റ്റര്‍ കുര്‍ദിഷ് പോരാളികള്‍ വെടിവെച്ചു വീഴ്ത്തി. സിറിയന്‍ കുര്‍ദിഷ് പോരാളികള്‍ക്കെതിരെ പോരാട്ടത്തിലായിരുന്ന ഹെലികോപ്റ്ററാണ് തകര്‍ന്നത്.

ആഫ്രിന്‍ പ്രവിശ്യയിലാണ് ഹെലികോപ്റ്റര്‍ തകര്‍ന്നുവീണത്.വിമാനത്തിലുണ്ടായിരുന്ന രണ്ട് സൈനികര്‍ മരിച്ചതായി തുര്‍ക്കി പ്രസിഡന്‍റ് എര്‍ദോഗന്‍ സ്ഥിരീകരിച്ചു.

അവര്‍ കനത്ത വില നല്‍കേണ്ടി വരുമെന്നും ഇസ്താംബൂളില്‍ ഏര്‍ദോഗാന്‍ പറഞ്ഞു. തുര്‍ക്കിഷ് ഹെലികോപ്റ്റര്‍ തകര്‍ത്തതായി കുര്‍ദിഷ് വക്താവ് മുസ്തഫ ബാലിയും പറഞ്ഞു.