Mallya Extradition Case Verdict: വിജയ് മല്യയെ ഇന്ത്യയ്ക്ക് വിട്ടുനല്‍കാന്‍ ബ്രിട്ടീഷ് കോടതിയുടെ ഉത്തരവ്

ലണ്ടന്‍: വിവാദ മദ്യവ്യവസായി വിജയ് മല്യയെ ഇന്ത്യയ്ക്ക് വിട്ടു നല്‍കാന്‍ ബ്രിട്ടീഷ് കോടതിയുടെ ഉത്തരവ്. മല്യയെ വിട്ടുകിട്ടണമെന്ന ഇന്ത്യയുടെ അപേക്ഷയിന്മേലാണ് ബ്രിട്ടണ്‍ വെസ്റ്റ്മിനിസ്റ്റര്‍ കോടതി ഇന്ന് ഉത്തരവ് പുറപ്പെടുവിച്ചിരിക്കുന്നത്.

അതേസമയം ഉത്തരവിനെതിരെ മല്യയ്ക്ക് 14 ദിവസത്തിനകം മേല്‍കോടതിയെ സമീപിക്കാം. 2016 മാര്‍ച്ചിലാണ് 9400 കോടി രൂപയുടെ വായ്‍പാത്തട്ടിപ്പ് നടത്തി മല്യ ബ്രിട്ടനിലേക്ക് കടന്നത്. മല്യയെ വിട്ടുകിട്ടണമെന്ന് 2017 ഫെബ്രുവരിയിലാണ് ഇന്ത്യ അപേക്ഷ സമര്‍പ്പിക്കുന്നത്.