ഈദ് അല്‍ ഫിത്ര്‍: യുഎഇയില്‍ അഞ്ച് ദിവസം അവധി ലഭിച്ചേക്കും

ദുബായ്: യുഎഇയില്‍ അഞ്ച് ദിവസം പെരുന്നാള്‍ (ഈദ് അല്‍ ഫിത്ര്‍) അവധി ലഭിച്ചേക്കുമെന്ന് എമിറേറ്റ്‌സ് അസ്‌ട്രോണമിക്കല്‍ സൊസൈറ്റി (ഇഎഎസ്) അധികൃതര്‍. ഈ മാസം ഏപ്രില്‍ 30 മുതല്‍ അഞ്ച് ദിവസത്തെ
അവധിയാണ് ലഭിക്കുക.Also Read: മുന്നിൽ ഒരു വഴി മാത്രം; ശ്രമം ഏകോപിപ്പിക്കുന്നത് ജസ്റ്റിൻ കുര്യൻ ജോസഫ്; നിമിഷപ്രിയയുടെ മോചനത്തിനായി ചർച്ച

ഇസ്ലാമിക കലണ്ടര്‍ അനുസരിച്ച് ശവ്വാലിന്റെ ആദ്യ ദിനം (ഒന്നാം പെരുന്നാള്‍) മേയ് 2 ന് ആയിരിക്കാനാണ് സാധ്യതയെന്ന് ഇഎഎസ് ബോര്‍ഡ് ചെയര്‍മാന്‍ ഇബ്രാഹിം അല്‍ ജര്‍വാന്‍ പറഞ്ഞു. 2022 ലെ യുഎഇയുടെ അംഗീകൃത കലണ്ടറില്‍ പെരുന്നാള്‍ അവധി ഈ മാസം 30 ന് (റമസാന്‍ 29 ന്) ആരംഭിച്ച് മേയ് 3 നോ നാലിനോ അവസാനിക്കുമെന്ന് അധികൃതര്‍ പറഞ്ഞു.

അതേസമയം, കുവൈറ്റില്‍ ചെറിയ പെരുന്നാളിന് തുടര്‍ച്ചയായി ഒമ്പത് ദിവസം അവധി. ഇത് സംബന്ധിച്ച നിര്‍ദേശത്തിന് സിവില്‍ സര്‍വീസ് കമ്മിഷന്‍ അംഗീകാരം നല്‍കി. മെയ് ഒന്ന് മുതല്‍ അഞ്ച് വരെയാണ് പെരുന്നാള്‍ അവധിയിനത്തില്‍ ലഭിക്കുക.

Also Read: ഒമാനിൽ നിന്ന് ഇന്ത്യൻ നഗരങ്ങളിലേക്ക് ഈ മാസം കൂടുതൽ വിമാനസർവീസുകൾ ആരംഭിക്കും

ചെറിയ പെരുന്നാളിന്റെ നിശ്ചിത അവധിക്ക് മുമ്പും ശേഷവും വരുന്ന വാരാന്ത്യ അവധി ദിനങ്ങള്‍ കൂടി കൂട്ടിയാണ് തുടര്‍ച്ചയായി ഒമ്പത് ദിവസം അവധി ലഭിക്കുന്നത്. അവധി കഴിഞ്ഞ് സര്‍ക്കാര്‍ സര്‍വീസുകളും മറ്റും മെയ് 8 മുതലാണ് പ്രവര്‍ത്തനം ആരംഭിക്കുക.