ന്യൂയോര്ക്ക്: ചിത്രപ്രദര്ശനത്തിനിടെ ചുമരില് ഒട്ടിച്ചുവെച്ച വാഴപ്പഴത്തിന്റെ ഇന്സ്റ്റലേഷന് സമൂഹ മാധ്യമങ്ങളില് തംരഗമായിരുന്നു. ഈ വാഴപ്പഴും 120000 ഡോളറിന് (85,55,640 രൂപ) വിറ്റുപോയെന്ന വാര്ത്തയും ഹിറ്റായിരുന്നു. മയാമി ബീച്ചിലെ ആര്ട്ട് ബേസില് ശനിയാഴ്ച നടന്ന പ്രദര്ശനത്തിലാണ് വാഴപ്പഴം ഇന്സ്റ്റലേഷന് പ്രദര്ശിപ്പിച്ചത്.
മൂന്ന് സുഹൃത്തുക്കള് ചേര്ന്നാണ് ഇന്സ്റ്റലേഷന് വാങ്ങിയത്. പ്രദര്ശനത്തിന് വേണ്ടി മാത്രമെന്ന് പറഞ്ഞായിരുന്നു വിറ്റത്. എന്നാല് ഇപ്പോള് ഈ പഴം എടുത്ത് കഴിച്ചിരിക്കുകയാണ് ന്യൂയോര്ക്കിലെ പ്രശസ്തനായ പ്രാങ്ക് അവതാരകന് ഡേവിഡ് ഡാറ്റുന. പഴം അകത്താക്കുന്നതിന്റെ വീഡിയോ ഡാറ്റുന തന്നെ ഇന്സ്റ്റഗ്രാമില് പങ്കുവെക്കുകയും ചെയ്തു.
''വിശക്കുന്ന കലാകാരന്, ഇത് എന്റെ കലാപ്രകടനം. മൗറീസ്യോ കാറ്റലന്റെ വര്ക്കുകള് എനിക്ക് വളരെ ഇഷ്ടമാണ്. ഇതും എനിക്ക് ഇഷ്ടമായി. ഇതിന് നല്ല രുചിയുണ്ട്.''- ഡാറ്റുന പോസ്റ്റിനൊപ്പം കുറിച്ചു.
Also Read യുഎഇയില് ഒരു മലയാളി വിദ്യാര്ഥിനി കൂടി കെട്ടിടത്തില് നിന്ന് വീണ് മരിച്ചു; കണ്ണൂര് സ്വദേശിനി വീണത് അഞ്ചാം നിലയില് നിന്ന്
ഇറ്റാലിയന് ആര്ട്ടിസ്റ്റായ മൗറീസ്യോ കാറ്റലനാണ് വാഴപ്പഴത്തിന്റെ ഇന്സ്റ്റലേഷന് തയ്യാറാക്കിയത്. കൊമേഡിയന് എന്ന പേരില് മൂന്ന് ഭാഗങ്ങളായാണ് ഇന്സ്റ്റലേഷന് പ്രദര്ശിപ്പിച്ചത്. യഥാര്ഥ വാഴപ്പഴം തന്നെയാണ് ഇന്സ്റ്റലേഷന് ഉപയോഗിച്ചത്. മൂന്ന് ഭാഗങ്ങളില് രണ്ടെണ്ണം വിറ്റുപോയി.
ഇന്സ്റ്റലേഷന് വാങ്ങിയവര് രാവിലെ ആര്ട്ട് ഗാലറിയിലെത്തി ആവശ്യമായ രേഖകള് സമര്പ്പിച്ചിരുന്നു. ഇതിനുപിന്നാലെ ഗാലറിയിലെ്തിയ ഡേവിഡ് ഡാറ്റുന ചുമരില് നിന്ന് വാഴപ്പഴമെടുത്ത് കഴിക്കുകയായിരുന്നു.
Also Read പ്രക്ഷോഭത്തീയില് വീണ്ടും ഹോങ്കോങ്: ആയിരങ്ങള് തെരുവിലിറങ്ങി; ശാന്തരാകണമെന്ന് ഭരണകൂടം
ഡാറ്റുനയ്ക്കെതിരെ നിയമനടപടി സ്വീകരിക്കില്ലെന്ന് ഗാലറി അധികൃതര് അറിയിച്ചിട്ടുണ്ട്. അതേസമയം, ഇന്സ്റ്റലേഷനില് മറ്റൊരു വാഴപ്പഴം സ്ഥാപിച്ചിട്ടുണ്ട്. ഇന്സ്റ്റലേഷന് കേട് പറ്റിയിട്ടില്ലെന്നും പഴം ഒരാശയം മാത്രമാണെന്നും അവര് പറഞ്ഞു.
ഡാറ്റുന പഴം കഴിക്കുന്ന വീഡിയോ സമൂഹ മാധ്യമങ്ങളില് വൈറലായിട്ടുണ്ട്. നിരവധിയാളുകളാണ് ഡാറ്റുനയെ അനുകൂലിച്ചും എതിര്ത്തും രംഗത്തുവന്നത്.