യുഎൻ മനുഷ്യാവകാശ കൗൺസിലിൽ നിന്ന് അമേരിക്ക പിൻമാറി

വാഷിങ്ടൺ: യുഎൻ മനുഷ്യാവകാശ കൗൺസിലിൽ നിന്ന് പിൻമാറുന്ന ആദ്യരാജ്യമായി അമേരിക്ക. ഇസ്രായേലിനെതിരെ കൗൺസിൽ പക്ഷപാതപരമായി തീരുമാനമെടുക്കുന്നു എന്നാരോപിച്ചാണ് പിൻമാറ്റം. അമേരിക്കൻ പ്രതിനിധി നിക്കി ഹാലേ കൗൺസിലിൽ നിന്ന് പിന്മാറുന്നതായി അറിയിച്ചു.

2006ൽ അമേരിക്കൻ പ്രസിഡൻറായിരുന്ന ജോർജ് ഡബ്ല്യൂ ബുഷിൻെറ നേതൃത്വത്തിലാണ് കൗൺസിൽ രൂപീകരിച്ചത്. ഇതിൽ നിന്നാണ് ഡൊണാൾഡ് ട്രംപ് പ്രസിഡൻറായപ്പോൾ അമേരിക്ക പിൻമാറുന്നത്. തീരുമാനം നിരാശാജനകമാണെന്ന് ഐക്യരാഷ്ട്ര സഭ സെക്രട്ടറി ജനറൽ അന്റോണിയോ ഗുട്ടറസ് പറഞ്ഞു.

മെക്സിക്കൻ കുടിയേറ്റക്കാർക്കെതിരെ അമേരിക്ക എടുക്കുന്ന നിലപാടിനെ കൗൺസിൽ വിമർശിച്ചിരുന്നു. ഇതിന് ശേഷമാണ് അമേരിക്ക കൗൺസിലിൽ നിന്ന് പിന്മാറിയത്.