വീണ്ടും വ്യോമാക്രമണം ഉണ്ടായെന്ന് സിറിയ; ഇല്ലെന്ന് അമേരിക്ക

ദമാസ്കസ്: രാജ്യത്തിനു നേരെ വീണ്ടും വ്യോമാക്രണം ഉണ്ടായെന്ന ആരോപണം ഉയര്‍ത്തി സിറിയ. തലസ്ഥാനനഗരമായ ദമാസ്കസിലെ ഹോംസിലെ ഷെയ്രാത് വ്യോമത്താവളത്തിനുനേരെയാണ് മിസൈൽ ആക്രമണം ഉണ്ടായതായി സിറിയ ആരോപിക്കുന്നത്. മിസൈൽവേധ സംവിധാനം ഉപയോഗിച്ച് ആക്രമണം ചെറുത്തതായും സിറിയൻ ടെലിവിഷൻ റിപ്പോര്‍ട്ട് ചെയ്തു. അതേസമയം, ഇത്തരം ഒരു ആക്രമണം നടത്തിയിട്ടില്ലെന്ന് പ്രതികരിച്ചു.

അതേസമയം, സിറിയയിലെ ഗൗട്ടയിൽ യുഎൻ രാസായുധ വിദഗ്ധര്‍ പരിശോധന നടത്തുന്നതിൽ എതിര്‍പ്പില്ലെന്ന് റഷ്യ വ്യക്തമാക്കി. നാളെയാണ് യുഎൻ രാസായുധ വിദഗ്ധര്‍ ഗൗട്ടയിൽ പരിശോധന നടത്തുക.

മതിയായ സുരക്ഷയുണ്ടോയെന്ന് സംശയമുണ്ടായിരുന്നതിനാലാണ് പരിശോധന നീട്ടിവെക്കാൻ ആവശ്യപ്പെട്ടതെന്നു വിശദീകരിച്ച റഷ്യ തെളിവു കിട്ടാതിരിക്കാൻ വേണ്ടി ഒത്തുകളിക്കുകയാണെന്ന ആരോപണം നിഷേധിച്ചു.