ഹൂസ്റ്റണ്: കൊറോണ വൈറസിനെ പിടികൂടി കൊല്ലുന്ന എയര് ഫില്ട്ടല് വികസിപ്പിച്ച് അമേരിക്കയിലെ ശാസ്ത്രജ്ഞര്. കൊവിഡ്-19 മഹാമാരിയുടെ വ്യാപനം കുറയ്ക്കുവാന് സഹായിക്കുന്നതാണ് പുതിയ കണ്ടുപിടിത്തമമെന്ന് മെറ്റീറിയല്സ് ടുഡെ ഫിസിക്സ് ജേണലില് പ്രസിദ്ധീകരിച്ച പഠനത്തില് പറയുന്നു.
Also Read: 30 ലക്ഷം കടന്ന് രോഗികള്; അമേരിക്കയില് ആശങ്ക
ആശുപത്രികള്, സ്കൂളുകള് തുടങ്ങിയ അടച്ചിട്ട സ്ഥലങ്ങളിലും വിമാനങ്ങളിലും വൈറസ് വ്യാപനം തടയാന് പുതിയ എയര് ഫില്ട്ടര് ഉപയോഗിക്കാമെന്നാണ് പഠനത്തില് കണ്ടെത്തിയിരിക്കുന്നത്. പുതുതായി വികസിപ്പിച്ച ഉപകരണം 99.8 ശതമാനം സാര്സ് കോവ് -2 വൈറസിനെയും ഇല്ലാതാക്കിയതായാണ് പഠനം പറയുന്നത്.
നിക്കല് ഫോം 200 ഡിഗ്രി സെല്ഷ്യസില് ചൂടാക്കിയാണ് എയര് ഫില്ട്ടര് നിര്മിച്ചിരിക്കുന്നത്. ആന്ത്രാക്സിന് കാരണമാകുന്ന മാരക ബാക്ടീരിയയായ ബസിലസ് അന്ത്രാസിസിനെ ഫില്ട്ടറിലൂടെ കടത്തിവിട്ടപ്പോള് 99.9 ശതമാനവും ഇല്ലാതായെന്നും പഠനത്തില് വ്യക്തമാക്കുന്നു.
Also Read: ബ്യൂബോണിക് പ്ലേഗ്: ആശങ്ക വേണ്ടെന്ന് WHO
വിമാനത്തവാളങ്ങളിലും വിമാനങ്ങളിലും ഓഫീസുകളിലും കപ്പലുകളിലും തുടങ്ങി അടച്ചിടുന്ന ഏത് സ്ഥലത്തും കൊവിഡ് വ്യാപനം തടയാന് ഈ എയര് ഫില്ട്ടര് ഉപയോഗിക്കാമെന്ന് പഠനത്തിന് നേതൃത്വം നല്കിയ ഹൂസ്റ്റണ് യൂണിവേഴ്സിറ്റിയിലെ ഷിഫെങ് റെന് പറഞ്ഞു. ഓഫീസുകളില് ഉപയോഗിക്കാവുന്ന തരത്തിലുള്ള ഡെസ്ക്ടോപ് എയര് ഫില്ട്ടറുകള് നിര്മിക്കാന് ഗവേഷകര് ശ്രമിക്കുന്നതായി റെന് പറഞ്ഞു.
വൈറസ് മൂന്ന് മണിക്കൂര് വരെ വായുവില് നില്ക്കുമെന്നതിനാല് എയര് ഫില്ട്ടര് ഉപയോഗിച്ച് ഇവയെ തുരത്തുകയെന്നത് നല്ല ആശയമാണെന്നാണ് ശാസ്ത്രജ്ഞര് പറയുന്നത്.
Also Read: കൊറോണ വൈറസ് വായുവിലൂടെ പകരാം
70 ഡിഗ്രി സെല്ഷ്യസിന് മുകളില് താപനിലയുള്ള അന്തരീക്ഷത്തില് വൈറസിന് അതിജീവിക്കാനാകില്ലെന്നും പഠനത്തില് കണ്ടെത്തി. അതിനാല് ഫില്ട്ടറിന്റെ താപനില 200 ഡിഗ്രി വരെയാക്കണമെന്നാണ് ഗവേഷകര് പറയുന്നത്. അതേസമയം, നിക്കല് ഫോമിന് കുറഞ്ഞ പ്രതിരോധശക്തി മാത്രമാണുള്ളത്. അതിനാല് വൈറസിനെ പെട്ടെന്ന് തന്നെ കൊല്ലുന്നതിനുമാത്രം താപനില ഉയര്ത്തുന്നത് വെല്ലുവിളിയിയാരിക്കുമെന്നും ഗവേഷകര് മുന്നറിയിപ്പ് നല്കുന്നുണ്ട്.