വാഷിങ്ടണ്: പൗരത്വ നിയമ ഭേദഗതിയും ദേശീയ പൗരത്വ പട്ടികയും പിന്വലിക്കാന് ഇന്ത്യന് സര്ക്കാരിനുമേല് സമ്മര്ദം ചെലുത്തണമെന്ന് യുഎസ് സെനറ്റര് ബോബ് മെനന്ഡഡസ്. യുഎസ് സ്റ്റേറ്റ് സെക്രട്ടറി മൈക്ക് പോംപെയോയ്ക്കയച്ച കത്തിലാണ് മെനന്ഡസ് ആവശ്യമുന്നയിച്ചത്.
Also Read ട്രംപിന് കുരുക്ക് മുറുകുന്നു: പുതിയ തെളിവുകളുമായി ഡെമോക്രാറ്റുകള്; സെനറ്റില് വിചാരണ ഉടന്
എല്ലാ മതവിഭാഗങ്ങളിലുമുള്ളവരുടെ മനുഷ്യാവകാശം ഉറപ്പുവരുത്താന് ഇന്തയോട് ആവശ്യപ്പെടണമെന്നും വിദേശകാര്യ സമിതി അംഗം കൂടിയായ മെനന്ഡസ് ആവശ്യപ്പെട്ടു. ഇന്ത്യയിലെ ജനാധിപത്യ മൂല്യങ്ങളും സ്വാതന്ത്ര്യവും മനുഷ്യാവകാശവും സംരക്ഷിക്കപ്പെടാന് യുഎസ് ഇടപെടണമെന്നും കത്തില് ആവശ്യപ്പെടുന്നു.
പാകിസ്ഥാന്, ബംഗ്ലാദേശ്, അഫ്ഗാനിസ്ഥാന് എന്നീ രാജ്യങ്ങളില് നിന്ന് 2014 ഡിസംബര് 31 വരെ ഇന്ത്യയിലെത്തിയ ഹിന്ദു, സിഖ്, ബുദ്ധ, ജൈന, പാര്സി, ക്രിസ്ത്യന് മത വിഭാഗങ്ങളിലുള്ളവര്ക്കാണ് സിഎഎ പ്രകാരം ഇന്ത്യന് പൗരത്വം നല്കുക. മതാടിസ്ഥാനത്തില് പൗരത്വം നല്കുന്നത് ഭരണഘടനയ്ക്ക് ഇന്ത്യയുടെ ദീര്ഘകാലമായുള്ള മതേതര ചരിത്രത്തിനും എതിരാണ്.
Also Read യുക്രൈന് വിമാനത്തിന് നേരെ ഇറാന് മിസൈല്; ദൃശ്യങ്ങള് ചിത്രീകരിച്ചയാള് അറസ്റ്റില്
എന്ആര്സി ഇന്ത്യയിലെ മുസ്ലിങ്ങളെയാണ് ബാധിക്കുന്നത്. എന്ആര്സിയും സിഎഎയും ഇന്ത്യയുടെ മതേതരത്വത്തിനും ജനാധിപത്യത്തിനുമാണ് ഭീഷണിയാകുന്നത്. ഇത് അമേരിക്കയിലെ ഇന്ത്യക്കാര്ക്കിടയില് വലിയ ആശങ്കയാണുണ്ടാക്കുന്നത്- ന്യൂ ജഴ്സിയില് നിന്നുള്ള ഡെമോക്രാറ്റ് അംഗമായ മെനന്ഡസ് പറഞ്ഞു.
മത ന്യൂനപക്ഷങ്ങളെ സംരക്ഷിക്കാനാണ് പൗരത്വ നിയമമെന്നാണ് ഇന്ത്യന് സര്ക്കാര് പറയുന്നത്. എന്നാല് റോഹിംഗ്യന് മുസ്ലിങ്ങളെയും അഹമ്മദീയരെയും ഒഴിവാക്കിയത് ഈ വാദം തെറ്റാണെന്നും നിയമം മുസ്ലിം വിരുദ്ധമാണെന്നും വ്യക്തമാക്കുന്നു. - സെനറ്റര് കത്തില് പറയുന്നു.
Also Read യുഎന് രക്ഷാസമിതിയില് സ്ഥിരാംഗത്വം; ഇന്ത്യക്ക് പിന്തുണയുമായി റഷ്യ
സിഎഎ നടപ്പാക്കുന്നതില് യുഎന് നേരത്തെ ആശങ്ക പ്രകടിപ്പിച്ചിരുന്നു. ഇന്ത്യയിലെ പ്രതിപക്ഷത്തിന്റെ കടുത്ത എതിര്പ്പിനിടയിലും സര്ക്കാര് സിഎഎയുമായി മുന്നോട്ടുപോവുകയാണ്. നിയമം നടപ്പാക്കാന് കഴിഞ്ഞയാഴ്ച വിജ്ഞാപനം പുറപ്പെടുവിച്ചിരുന്നു.