വാഷിങ്ടണ്: അമേരിക്കയില് കൊവിഡ്-19 വ്യാപനം രൂക്ഷമായി തുടരുന്നതിനിടെ വൈറസ് പ്രതിരോധത്തിനായി രൂപവത്കരിച്ച പ്രത്യേക കര്മസമിതി പിരിച്ചുവിടുന്നു. വൈസ് പ്രസിഡന്റ് മൈക് പെന്സിന്റെ നേതൃത്വത്തിലാണ് കൊറോണ വൈറസ് പ്രതിരോധ പ്രവര്ത്തനങ്ങള് നടത്തുന്നത്.
Also Read: കൂടുതല് മരണമുണ്ടാകുമെങ്കിലും നിയന്ത്രണങ്ങള് നീക്കുമെന്ന് ട്രംപ്
തന്റെ നേതൃത്വത്തിലുള്ള പ്രത്യേക സംഘത്തിന്റെ ആവശ്യം ഇനിയില്ലെന്നും ഈ മാസം അവസാനത്തോടെ പ്രര്ത്തനം അവസാനിപ്പിക്കുമെന്നും മൈക് പെന്സ് പറഞ്ഞു.
ഇതിനികം 72000-ലധികം ആളുകളാണ് അമേരിക്കയില് കൊവിഡ് ബാധിച്ച് മരിച്ചത്. മൈക് പെന്സിന്റെ നേതൃത്വത്തിലുള്ള സംഘമാണ് രാജ്യത്തെ കൊവിഡുമായി ബന്ധപ്പെട്ട ദൈനംദിന കാര്യങ്ങള് ആരോഗ്യ വിദഗ്ധരുമായും സംസ്ഥാനങ്ങളുമായും ചര്ച്ച ചെയ്യുന്നത്. വിവരങ്ങള് ക്രോഡീകരിച്ച് പ്രസിഡന്റ് റിപ്പോര്ട്ട് ചെയ്തിരുന്നതും ഈ സംഘമാണ്.
Also Read: ഇറ്റലിയെ മറികടന്ന് ബ്രിട്ടന്
വൈകാതെ തന്നെ പ്രതിരോധ പ്രവര്ത്തനങ്ങള്ക്കായി സര്ക്കാര് മറ്റൊരു സംവിധാനം തുടങ്ങുമെന്ന് പെന്സ് അറിയിച്ചു.
രോഗവ്യാപനത്തെ നിസാരവത്കരിച്ച് വിപണി തുറക്കാനുള്ള നീക്കങ്ങള്ക്കിടെയാണ് പ്രതിരോധ സേന പിരിച്ചുവിടാനുള്ള വൈറ്റ് ഹൗസിന്റെ തീരുമാനം. രാജ്യം അനിശ്ചിതമായി അടച്ചിടാനാകില്ലെന്നാണ് പ്രസിഡന്റ് ഡോണള്ഡ് ട്രംപ് പറയുന്നത്.
Also Read: കൊറോണ: ചൈന പലതും ഒളിയ്ക്കുന്നു
നിയന്ത്രണങ്ങള് നീക്കുന്നത് മരണസംഖ്യ കൂടാന് ഇടയാക്കിയേക്കും. എന്നാല് കുറച്ചുപേരെ ബാധിക്കുമെന്ന് കരുതി രാജ്യം അടച്ചിടാനാകില്ല.- ട്രംപ് പറഞ്ഞു.
ലോകത്തെ ആകെ മരണസംഖ്യയുടെ മൂന്നിലൊന്നും അമേരിക്കയിലാണ്. രോഗബാധിതരുടെ എണ്ണത്തിലും അമേരിക്ക തന്നയാണ് മുന്നില്. 72000-ലേറെ പേരാണ് മരിച്ചത്. 12 ലക്ഷത്തിലേറെ ആളുകള്ക്ക് രോഗം സ്ഥിരീകരിച്ചിട്ടുണ്ട്.
Also Read: വൈറസിന്റെ ഉറവിടം വുഹാന് ലാബ് തന്നെയെന്ന് യുഎസ്
ലോകത്താകെ 2.58 ലക്ഷത്തിലേറെ ആളുകളാണ് മരിച്ചത്. വിവിധ രാജ്യങ്ങളിലായി 37 ലക്ഷത്തിലേറെ ആളുകള്ക്കാണ് രോഗം സ്ഥിരീകരിച്ചത്.