ന്യൂയോര്ക്ക്: ജോര്ജ് ഫ്ലോയിഡിനെ കൊലപ്പെടുത്തിയതിന് പിന്നാലെ തുടങ്ങിയ പ്രക്ഷോഭം അമേരിക്കയില് ആളിപ്പടരുന്നു. കര്ഫ്യൂ പ്രഖ്യാപിച്ച ന്യൂയോര്ക്കില് രണ്ട് പോലീസ് ഓഫീസര്മാര്ക്ക് വെടിയേറ്റു. മറ്റൊരു ഓഫീസര്ക്ക് കുത്തേല്ക്കുകയും ചെയ്തും. പോലീസിന്റെ വെടിയേറ്റ് പ്രക്ഷോഭകരിലൊരാള്ക്ക് പരിക്കേറ്റതായും ന്യൂയോര്ക്ക് പോലീസ് അറിയിച്ചു.
Also Read: മുഖമില്ല, നേതാവില്ല; ട്രംപിനെ വിറപ്പിക്കുന്ന 'ആന്റിഫ'
പരിക്കേറ്റ ഓഫീസര്മാരെ ആശുപത്രിയില് പ്രവേശിപ്പിച്ചു. ഇവര് ഗുരുതരാവസ്ഥയിലല്ലെന്ന് പോലീസ് ഡിപ്പാര്ട്ട്മെന്റ് അറിയിച്ചു. പോലീസിന്റെ വെടിയേറ്റ് പരിക്കേറ്റയാളുടെ സ്ഥിതി പുറത്തുവിട്ടിട്ടില്ല.
ബുധനാഴ്ച രാത്രി എട്ട് മണിയോടയാണ് അക്രമസംഭവങ്ങള് ഉണ്ടായത്. ന്യൂയോര്ക്ക് മേയര് ബില് ഡി ബ്ലാസിയോ പരിക്കേറ്റ പോലീസ് ഓഫീസര്മാരെ ആശുപത്രിയില് സന്ദര്ശിച്ചു.
Also Read: ജോര്ജ് ഫ്ലോയിഡ് കൊവിഡ് പോസിറ്റീവായിരുന്നു
ന്യൂയോര്ക്ക് സിറ്റിയില് ദിവസങ്ങളായി പ്രതിഷേധം തുടരുകയാണ്. തുടക്കത്തില് സമാധാനപരമായാണ് പ്രതിഷേധം നടന്നത്. എന്നാല് പിന്നീട് പോലീസ് പ്രക്ഷോഭകരും തമ്മില് ഏറ്റുമുട്ടല് നടന്നു. കഴിഞ്ഞയാഴ്ച മണിക്കൂറുകളോളം ഏറ്റുമുട്ടല് നടന്ന സ്ഥലത്തിന് അടുത്ത് തന്നെയാണ് ബുധനാഴ്ച രാത്രിയും സംഘര്ഷമുണ്ടായത്. കഴിഞ്ഞയാഴ്ച പോലീസിന്റെ വാഹനം പ്രക്ഷോഭകര് കത്തിച്ചിരുന്നു.
Also Read: പ്രക്ഷോഭം കൊവിഡിന്റെ രണ്ടാം വരവിന് കാരണമാകും
അതേസമയം, വെടിവെപ്പ് നടന്ന സ്ഥലത്ത് പ്രക്ഷോഭം ഉണ്ടായിരുന്നില്ലെന്ന് സ്ഥലവാസിയായ ഒരാള് പറഞ്ഞു. പ്രതിഷേധവുമായി ഈ സംഭവത്തിന് ബന്ധമുണ്ടോയന്ന് ഉറപ്പില്ലെന്നും അവര് പറയുന്നു. വെടിവെപ്പ് നടന്നതിന് പിന്നാലെ സ്ഥലം പോലീസ് വളഞ്ഞു.