ഫ്രാന്‍സിലും ജര്‍മ്മനിയിലും ശീതക്കൊടുങ്കാറ്റ്; 300,000 വീടുകളിൽ വൈദ്യുതിയില്ല

പടിഞ്ഞാറന്‍ യൂറോപ്പില്‍ ശീതക്കൊടുങ്കാറ്റ് ആഞ്ഞടിച്ചു. കൊടുങ്കാറ്റിനെ തുടര്‍ന്ന് നിരവധി വീടുകളിലെ വൈദ്യുതി ബന്ധം താറുമാറായി. മരങ്ങള്‍ കടപുഴകി വീണ് റെയില്‍ സര്‍വീസുകളുടെ പ്രവര്‍ത്തനവും തടസപ്പെട്ടു.

ഫ്രാന്‍സില്‍ നോര്‍മന്‍റിയിലും പാരീസിന്‍റെ വടക്കന്‍ മേഖലയിലും കൊടുങ്കാറ്റ് ആഞ്ഞടിച്ചു. 300,000 വീടുകളിലെ വൈദ്യുതിവിതരണം തടസപ്പെട്ടിട്ടുണ്ട്. ഡിപ്പിയില്‍ തീരദേശ മേഖലയില്‍ മണിക്കൂറില്‍ 146 കിലോമീറ്റര്‍ വേഗതയിലാണ് കാറ്റ് വീശിയത്.

ഈഗോണ്‍ എന്നയറിപ്പെടുന്ന കൊടുങ്കാറ്റ് ഫ്രാന്‍സില്‍ നിന്ന് ജര്‍മ്മനിയുടെ തീരത്തേക്കാണ് പ്രവേശിച്ചത്. റിനേലാന്‍ഡ്-പലാറ്റിനേറ്റിലും നോ‍ര്‍ത്തേണ്‍ ബവേറിയയിലും കാറ്റ് ആഞ്ഞടിച്ചു. ഇതേ തുടര്‍ന്ന് വൈദ്യുതി വിതരണം തകരാറിലാകുകയും വ്യാപകമായ ഗതാഗത തടസം നേരിടുകയും ചെയ്തു. ഫ്രാന്‍സിലും ജര്‍മ്മനിയിലും അടിയന്തര സേനയെ വിന്യസിച്ചു. ബെല്‍ജിയം തീരത്ത് വെള്ളപ്പൊക്കമുണ്ടാകുമെന്നും മുന്നറിയിപ്പുണ്ട്.

യൂറോപ്പില്‍ അതിശൈത്യത്തില്‍ ഇതുവരെ 65 പേ‍ര്‍ മരിച്ചു. പോളണ്ടും റൊമേനിയ, ബള്‍ഗേറിയ, ഗ്രീസ്, പടിഞ്ഞാറന്‍ തുര്‍ക്കി തുടങ്ങിയ തെക്കുകിഴക്കന്‍ യൂറോപ്യന്‍ രാജ്യങ്ങളിലെല്ലാം രൂക്ഷമായ മഞ്ഞുവീഴ്ചയും മരവിക്കുന്ന തണുപ്പും അനുഭവപ്പെടുകയാണ്.




(വീഡിയോക്ക് കടപ്പാട്: ഫ്രാൻസ് 24)

Violent winter storm lashes northern France

A severe winter storm that swept across northern France on Thursday night left more than 300,000 homes without power.