വികെ സിംഗ് ഉത്തരകൊറിയയില്‍ ; കിം ജോങ്ങ് ഉന്നുമായി ചര്‍ച്ച നടത്തും

ന്യൂഡല്‍ഹി: കേന്ദ്ര വിദേശ കാര്യ സഹമന്ത്രി വി.കെ.സിംഗ് ഉത്തരകൊറിയയില്‍. 20 വര്‍ഷങ്ങള്‍ക്ക് ശേഷമാണ് ഇന്ത്യയില്‍ നിന്നൊരു മന്ത്രി ഉത്തര കൊറിയയിലെത്തുന്നത്. ഇതിന് മുമ്ബ് 1998ല്‍ മുക്താര്‍ അബ്ബാസ് നഗ്‌വിയായിരുന്നു ഉത്തര കൊറിയ സന്ദര്‍ശിച്ച ഇന്ത്യന്‍ മന്ത്രി. ചൈന വഴി ഉത്തരകൊറിയന്‍ തലസ്ഥാനമായ പോങ്ങ്യാങ്ങില്‍ എത്തിയ സിങ്ങ് കൊറിയന്‍ വിദേശകാര്യ മന്ത്രിമാരുമായി കൂടിക്കാഴ്ച നടത്തി.

പരമാധികാരി കിം ജോങ്ങ് ഉന്നുമായും ചര്‍ച്ച നടത്തിയേക്കും. ഉത്തരകൊറിയ - യു.എസ് ബന്ധം മെച്ചപ്പെടുത്തുന്നതിന് വേണ്ടിയുള്ള സന്ദര്‍ശനമായിട്ടാണ് ഇതു വിലയിരുത്തപ്പെടുന്നത്. 2017 ഏപ്രിലില്‍ യു.എന്നുമായി ചേര്‍ന്ന് ഇന്ത്യ ഉത്തര കൊറിയയ്‌ക്കെതിരെ ഉപരോധം ഏര്‍പ്പെടുത്തിയിരുന്നു.