ഗവേഷകര്‍ പറയുന്നത്....
അരിസോണ സര്‍വകലാശാലയിലെ ഓരോ ക്യാമ്പസിലുമുള്ള ഡോര്‍മിറ്ററികളില്‍ നിന്ന് പുറംന്തള്ളുന്ന മലിന ജലത്തിലെ മലം സാമ്പിള്‍ പരിശോധനയ്ക്ക് എടുത്തു. അതിനുശേഷം നടത്തിയ പരിശോധനയില്‍ കൊവിഡ്- 19 കണ്ടെത്താന്‍ സാധിക്കുമെന്നാണ് ഗവേഷകര്‍ അവകാശപ്പെടുന്നത്. കക്കൂസ് മാലിന്യത്തിന്റെ സാമ്പിള്‍ ശേഖരിച്ച് പരിശോധിക്കുമെന്നും ആര്‍ക്കെങ്കിലും കൊവിഡ് ഉണ്ടെങ്കില്‍ വൈറസ് സാന്നിധ്യം മലത്തില്‍ നിന്നും കണ്ടെത്താന്‍ സാധിക്കും.
പരിശോധന ഫലം കണ്ടു
അരിസോണ സര്‍വകലാശാലയില്‍ 311 വിദ്യാര്‍ഥികളുള്ള ഡോര്‍മെട്രിയില്‍ നിന്നുള്ള സാമ്പിളില്‍ നിന്ന് കൊറോണ വൈറസ് ബാധ കണ്ടെത്തിയെന്നാണ് സര്‍വകലാശാല അധികൃതര്‍ അവകാശപ്പെടുന്നത്. രണ്ട് വിദ്യാര്‍ഥികള്‍ക്ക് രോഗലക്ഷണമില്ലാതെ കൊവിഡ് സ്ഥിരീകരിക്കുകയും അവരെ ക്വാറന്റൈനില്‍ പ്രവേശിപ്പിക്കുകയും ചെയ്തു.
ആളുകള്‍ കൂട്ടമായി താമസിക്കുന്നിടത്ത് ഗുണകരം
കൊവിഡ് വ്യാപനം നിയന്ത്രിക്കുന്നതില്‍ കക്കൂസ് മാലിന്യത്തിന്റെ സാമ്പിള്‍ പരിശോധിക്കുന്നത് ആളുകള്‍ കൂട്ടമായി കഴിയുന്നിടങ്ങളില്‍ ഫലപ്രദമായിരിക്കുമെന്ന് മുന്‍ അമേരിക്കന്‍ സര്‍ജന്‍ ജനറല്‍ റിച്ചാര്‍ഡ് കാര്‍മോണ പറഞ്ഞു. അരിസോണയില്‍ മാത്രമല്ല, ചൈന, സ്‌പെയിന്‍, കാനഡ, ന്യൂസിലാന്റ്, സിംഗപ്പൂര്‍ എന്നിവിടങ്ങളിലെല്ലാം കാംപസുകള്‍ കേന്ദ്രീകരിച്ചും അല്ലാതെയും ഈ രീതി പരീക്ഷിച്ചു വരുന്നുണ്ടെന്നും റിപ്പോര്‍ട്ടുകള്‍ ചൂണ്ടിക്കാട്ടുന്നു.
കൊവിഡ് അതിവേഗം കണ്ടെത്താം
കൊവിഡ് രോഗബാധിതനാണോയെന്ന് എത്രയും നേരത്തെ കണ്ടെത്താന്‍ സാധിക്കുമെന്ന് ക്യൂഎഇഎച്ച്എസ് ഡയറക്ടര്‍ കെവിന്‍ തോമസ് പറഞ്ഞു. ഇതാണ് രോഗവ്യാപനത്തെ പിടിച്ചുകെട്ടാന്‍ നിലവിലുള്ള ഏക മാര്‍ഗ്ഗമെന്നും അതിന് ഈ പരിശോധന തന്നെയാണ് ഏറ്റവും ഉത്തമമെന്നും അദ്ദേഹം അഭിപ്രായപ്പെട്ടു.