അമേരിക്ക ചോദിക്കുന്നു,ആരാണ് ഹ്യൂമ ആബിദീന്‍ ?

അമേരിക്കൻ തെരഞ്ഞെടുപ്പ് ചൂടുപിടിച്ചിരിക്കുകയാണ്. ഹിലരിയും ട്രംപും സംവാദങ്ങളും അന്തരാഷ്ട്ര ച‍ർച്ചയാകുന്നു. ഇതിനിടയിൽ അമേരിക്കക്കാര്‍ സ്ഥിരം കേൾക്കുന്ന പേരുണ്ട്, ഹ്യൂമ ആബിദീന്‍. ആരാണ് ഹ്യൂമ ആബിദീന്‍. ഹിലരിയുടെ ബോഡി വുമണ്‍ എന്നാണ് ഹ്യൂമ അറിയപ്പെടുന്നത്. ഹിലരിയുടെ പേഴ്‌സണല്‍ അസിസ്റ്റന്റും പ്രചരണ വിഭാഗം ഉപനേതാവുമാണ് ഹ്യൂമ. ഹ്യൂമയ്ക്ക് ഇന്ത്യൻ ബന്ധവുമുണ്ട്.

ഇന്തോ അമേരിക്കന്‍ മുസ്ലിമായ ഹ്യൂമ, ഇന്ത്യയിലെ അറിയപ്പെട്ട പ്രൊഫസര്‍മാരിലൊരാളായിരുന്ന ഡോ. ആബിദീന്റെ മകളാണ്. ബില്‍ക്ലിന്റണ്‍ അമേരിക്കന്‍ പ്രസിഡണ്ടായ സമയത്ത് ഹിലരിയുടെ പേഴ്‌സണല്‍ സ്റ്റാഫില്‍ ഇന്റേണായി ജോയിന്‍ ചെയ്തതാണ് ഹ്യൂമ. അന്ന് തുടങ്ങിയതാണ് ഹിലരിയുമായുള്ള ചങ്ങാത്തം. ഹ്യൂമ ഹിലരിക്കയച്ച ചില മെയിലുകള്‍ പരിശോധിക്കണമെന്ന വാര്‍ത്തയാണ് യുഎസിൽ രാഷ്ട്രീയ കൊടുങ്കാറ്റായി മാറിയത്. അമേരിക്കന്‍ പാര്‍ലമെന്റംഗം ആന്റണി വെയ്‌നറുമായി വിവാഹിതയായിരുന്നു ഹ്യൂമ. എന്നാല്‍ ഈ വര്‍ഷമാദ്യം ഇവര്‍ വേര്‍പിരിഞ്ഞു.ഹിലരി അമേരിക്കൻ പ്രസിഡണ്ടായാല്‍ അമേരിക്കന്‍ പാര്‍ലമെന്റില്‍ ഉന്നത പദവിയിൽ ഹ്യൂമ തിളങ്ങും.




English Summary: Huma Mahmood Abedin is an American political staffer who serves as vice chairwoman of Hillary Clinton's 2016 campaign for President of the United States