വൈറസ് പിടിപെടാനുള്ള മറ്റ് മാര്‍ഗ്ഗങ്ങള്‍ കണക്കിലെടുത്തിട്ടില്ല
വിമാനത്തില്‍ യാത്ര ചെയ്യുന്നവര്‍ക്ക് വൈറസ് പിടിപെടാനുള്ള മറ്റ് മാര്‍ഗ്ഗങ്ങള്‍ കണക്കിലെടുത്തിട്ടില്ലെന്ന് പഠനം പറയുന്നു. ശ്വസിക്കുമ്പോഴോ തുമ്മുമ്പോഴോ ഉപരിതലങ്ങളില്‍ നിന്നോ അല്ലെങ്കില്‍ വിശ്രമമുറികളില്‍ നിന്നോ നേരിട്ട് കൊവിഡ് ബാധിക്കുമോയെന്ന കാര്യത്തില്‍ പഠനം പ്രതിപാദിച്ചിട്ടില്ല.
പഠനത്തിന് ഉപയോഗിച്ചത് ഈ വിമാനങ്ങള്‍
യുഎസ് ട്രാന്‍സ്‌പോര്‍ട്ടേഷന്‍ കമാന്‍ഡ്, ഡിഫന്‍സ് അഡ്വാന്‍സ്ഡ് റിസര്‍ച്ച് പ്രോജക്ട ഏജന്‍സി (ഡാര്‍പ), എയര്‍ മൊബിലിറ്റി കമാന്‍ഡ് എന്നിവ ബോയിംഗ് 777- 200, 767- 300 എന്നീ വിമാനങ്ങളാണ് ഇത്തരത്തില്‍ പഠനത്തിനായി ഉപയോഗിച്ചത്. പരീക്ഷണത്തില്‍ ചുമയില്‍ നിന്ന് പുറപ്പെടുന്ന കണികകള്‍ എവിടേക്കാണ് പോകുന്നതെന്ന് കാണാന്‍ ടീം ഫ്‌ളൂറസെന്റ് എയ്‌റോസോള്‍ ട്രേസറുകള്‍ ഉപയോഗിച്ചു. ഇകിനായി സര്‍ജിക്കല്‍ മാസ്‌ക് ധരിച്ച ഒരു ഡമ്മിയെ ഉപയോഗിച്ചു.
ഫ്‌ളൂറസെന്റ് എയ്‌റോസോള്‍ ട്രേസറുകള്‍ ഉപയോഗിച്ചുള്ള പരീക്ഷണം ഇങ്ങനെ
ഫ്‌ളൂറസെന്റ് എയ്‌റോസോള്‍ ട്രേസറുകള്‍ ഉപയോഗിച്ചുള്ള ഉപയോഗിച്ചുള്ള പരീക്ഷണത്തില്‍ വെന്റിലേഷന്‍ സംവിധാനത്തിലേക്ക് അവ വേഗത്തില്‍ വലിച്ചെടുക്കപ്പെട്ടു. സമീപത്തുള്ള പ്രതലങ്ങളെ മലിനപ്പെടുത്താനോ സമീപത്ത് ഇരിക്കുന്ന ആളുകളുടെ ശ്വസനമേഖലകളിലേക്ക് വീഴാനോ സാധ്യതയില്ലെന്ന് ടീം സ്ഥിരീകരിച്ചു. ഇതിലൂടെ മാസ്‌ക് ധരിക്കുന്നത് തുടര്‍ച്ചയാണെന്നും രോഗബാധിതരുടെ എണ്ണം കുറവാണെന്നും പരിശോധന വ്യക്തമാക്കുന്നു.
സാമൂഹിക അകലം പാലിക്കല്‍ ഉത്തമം
കൊറോണവൈറസ് ഒരു യാത്രക്കാരന് വിമാനത്തില്‍ മൂന്ന് വരികള്‍ അകലെ ഇരുന്നാല്‍ പരക്കുകയില്ലെന്ന് ശാസ്ത്രലോകം പറയുന്നു. മിക്ക വൈറസുകളും മറ്റ് അണുക്കളും വിമാനങ്ങളില്‍ എളുപ്പത്തില്‍ വ്യാപിക്കുന്നില്ലെന്നും വിമാനങ്ങളില്‍ വായു കൃത്യമായി തന്നെ ഫില്‍ട്ടര്‍ ചെയ്യപ്പെടുന്നെന്നും യുഎസ് സെന്റേഴ്‌സ് ഫോര്‍ ഡിസീസ് കണ്‍ട്രോള്‍ ആന്‍ഡ് പ്രിവന്‍ഷന്‍ പറയുന്നു. തിരക്കേറിയ വിമാനങ്ങളില്‍ സാമൂഹിക അകലം പാലിക്കാത്തതും യാത്രക്കാര്‍ക്ക് സാമൂഹിക അകലം പാലിച്ച് ഇരിക്കാന്‍ സാധിക്കാത്തതും കൊവിഡ് വ്യാപിക്കാനുള്ള സാധ്യത വര്‍ദ്ധിപ്പിക്കുന്നെന്ന് ഗവേഷകര്‍ പറയുന്നു.