ഇന്ത്യ വെല്ലുവിളിയാണെന്ന് ചൈന കരുതുന്നു: വിദ‍ഗ്‍ധര്‍

വാഷിങ്‍ടണ്‍: ഇന്ത്യ തങ്ങള്‍ക്ക് വെല്ലുവിളിയാണെന്ന് ചൈന കരുതുന്നതായി വിദഗ്‍ധര്‍. പ്രധാനമന്ത്രി നരേന്ദ്ര മോദി ഇന്ത്യയുടെ താല്‍പര്യങ്ങള്‍ക്കായി അയല്‍രാജ്യങ്ങളുമായി ചേര്‍ന്ന് പ്രവര്‍ത്തിക്കുമെന്നും ഇത് തങ്ങളുടെ വളര്‍ച്ചയ്‍ക്ക് തടസ്സമാകുമെന്നും ചൈനീസ് പ്രസിഡന്‍റ് സി ജിന്‍പിങ് കരുതുന്നു എന്നുമാണ് അമേരിക്കന്‍ വിദഗ്‍ധരുടെ വിലയിരുത്തല്‍.

അമേരിക്കയും ജപ്പാനുമൊക്കെ ചൈനയെ തടയാനുള്ള ശ്രമത്തിലാണ്. മോദി ഇവരുമായി കൂട്ടുചേര്‍ന്ന് പ്രവര്‍ത്തിക്കുമോ എന്ന് ജിന്‍പിങ് ഭയക്കുന്നതായി വാഷിങ്‍ടണിലുള്ള സെന്‍റര്‍ ഫോര്‍ സ്ട്രാറ്റജിക് ആന്‍റ് ഇന്‍റര്‍നാഷനല്‍ സ്റ്റഡീസിലെ ചൈനീസ് വിദഗ്‍ധനായ ബോണി എസ് ഗ്ലേസര്‍ പറഞ്ഞു.

മുന്‍പ് ഇന്ത്യ സന്ദര്‍ശിച്ച ജിന്‍പിങ് മോദിയുമായി ചര്‍ച്ച നടത്തിയിരുന്നു. ചൈനയുടെ താല്‍പര്യങ്ങള്‍ക്ക് വിരുദ്ധമായ നിലപാട് ഇന്ത്യ കൈക്കൊള്ളില്ല എന്ന പ്രതീക്ഷ അദ്ദേഹത്തിന് ഉണ്ടായിരുന്നിരിക്കണം. എന്നാല്‍ ഇത് നടപ്പിലായില്ല, ഗ്ലേസര്‍ പറഞ്ഞു. ഇന്ത്യന്‍ മഹാസമുദ്രത്തിലെയും മറ്റും ചില വിഷയങ്ങളില്‍ ഇരു രാജ്യങ്ങളും തമ്മില്‍ അഭിപ്രായവ്യത്യാസങ്ങളുണ്ട്. എന്നാല്‍ ഇന്ത്യയുമായുള്ള ബന്ധം വഷളാക്കുന്നതിലൂടെ തങ്ങള്‍ക്ക് നേട്ടമൊന്നും ഉണ്ടാവില്ലെന്ന് ചൈനയ്ക്ക് തിരിച്ചറിവുണ്ടെന്നും അവര്‍ അഭിപ്രായപ്പെട്ടു.

Xi Jinping sees PM Modi as a leader who is willing to stand up for Indian interests: US expert

Chinese President Xi Jinping sees Prime Minister Narendra Modi as a leader who is willing to stand up for Indian interests and to work together with other countries in the region that are looking to impose constraints on China.