റിയാദ്: സൗദി അറേബ്യയിലെ കൂറ്റന് ഓയില് കമ്പനി ആക്രമിച്ചതായി യെമനിലെ ഹൂതികള്. തെക്കന് സൗദിയിലെ ജിസാനിലെ വ്യവസായ കോംപ്ലക്സിലുള്ള സൗദി അരാംകോയുടെ ഇന്ധന നിര്മാണ കമ്പനി കഴിഞ്ഞ രാത്രി തകര്ത്തതായാണ് ഹൂതികള് അവകാശപ്പെട്ടത്.
Also Read: യുദ്ധഭൂമിയില് ഭീതി വിതച്ച് മഹാമാരി
ഹൂതികളുടെ ആക്രണം പരാജയപ്പെടുത്തിയെന്ന് സൗദി സൈന്യം വ്യക്തമാക്കി. യെമില് നിന്ന് ഹൂതികള് വിക്ഷേപിച്ച നാല് മിസൈലുകളും ബോംബുകള് ഘടിപ്പിച്ച ആറ് ഡ്രോണുകളും തകര്ത്തതായാണ് സൗദി സേന അറിയിച്ചത്.
യെമന് തലസ്ഥാനമായ സനായില് നിന്നാണ് മിസൈലുകളും ഡ്രോണുകളും വിക്ഷേപിച്ചതെന്നും സൗദിയിലെ ജനവാസ കേന്ദ്രങ്ങളാണ് ലക്ഷ്യമിട്ടതെന്നും സൗദി സഖ്യസേന വക്താവ് തുര്കി അല് മാലിക്കി പറഞ്ഞു. സൗദി പ്രസ് ഏജന്സിയാണ് മാലിക്കിയുടെ പ്രസ്താവന പുറത്തുവിട്ടത്.
Also Read: 24 മണിക്കൂറിനിടെ 2.3 ലക്ഷത്തിലേറെ പേര്ക്ക് കൊവിഡ്
ആക്രമണത്തില് സൗദിക്ക് കനത്ത നാശമുണ്ടായതായി ഹൂതികള് അവകാശപ്പെട്ടു. സൗദിയുടെ നിരവധി സൈനികര് കൊല്ലപ്പെടുകയും പരിക്കേല്ക്കുകയും ചെയ്തതായി ഹൂതി സേനയുടെ വക്താവ് യഹ്യ സറിയ പറഞ്ഞു.
സൗദി സൈനിക കേന്ദ്രങ്ങള് ലക്ഷ്യമിട്ടാണ് ആക്രമണം നടത്തിയതെന്നും യഹ്യ സറിയ പ്രസ്താവനയില് വ്യക്തമാക്കി. തങ്ങളുടെ ബാലിസ്റ്റിക് മിസൈലുകളും ഡ്രോണുകളും ജിസാന്, നര്ജന്, അസ്സിര് എന്നിവിടങ്ങളിലെ സൗദി സൈനിക കേന്ദ്രങ്ങള് തകര്ത്തതായും ഹൂതികള് അവകാശപ്പെട്ടു. ജിസാന് വ്യവസായ മേഖലയിലെ ഓയില് നിര്മാണ കേന്ദ്രവും ആക്രമണത്തില് തകര്ന്നതായി യഹ്യ സറിയ പറഞ്ഞു.
Also Read: യുഎസ് ഉപരോധം മറികടക്കാന് വഴികള് തേടി ഇറാന്
ജിസാനിലെ സൗദി അരാംകോയുടെ റിഫൈനറിയില് പ്രതിദിനം നാല് ലക്ഷം ബാരല് ക്രൂഡ് ഓയിലാണ് ഉത്പാദിപ്പിക്കുന്നത്. യെമന് അതിര്ത്തിയില് നിന്ന് 60 കിലോമീറ്റര് അകലെയാണ് റിഫൈനറി.
സംഭവത്തില് സൗദി അരാംകോ പ്രതികരിച്ചിട്ടില്ല.