ഡൊണാള്‍ഡ് ട്രംപിന്‍റെ മുഖമുള്ള സ്വിം സ്യൂട്ടുമായി കമ്പനി

ലോകത്തിലെ ഏറ്റവും പ്രശസ്‍തനായ വ്യക്തിത്വങ്ങളില്‍ ഒരാളാണ് അമേരിക്കന്‍ പ്രസി‍ഡന്‍റ് ഡൊണാള്‍ഡ് ട്രംപ്. ലോകത്തെ ഏറ്റവും ശക്തനായ ഭരണാധികാരിയായ ട്രംപ് തന്‍റെ വിവാദ നിലപാടുകള്‍കൊണ്ടും പ്രസ്‍താവനകള്‍കൊണ്ടും ആവോളം കുപ്രസിദ്ധിയും നേടിയിട്ടുണ്ട്. അതുകൊണ്ടുതന്നെ ലോകത്തെ ഏറ്റവും വെറുക്കപ്പെടുന്ന വ്യക്തിത്വങ്ങളില്‍ ഒരാള്‍കൂടിയാണ് ട്രംപ്.

എന്തുതന്നെയായാലും ട്രംപിനെ വിറ്റ് കാശാക്കാനാണ് ചില കമ്പനികളുടെ തീരുമാനം. അമേരിക്കയിലെ ഉട്ടായിലെ പ്രോവോ ആസ്ഥാനമായുള്ള ബിലവഡ് ഷര്‍ട്ട്സ് എന്ന കമ്പനിയാണ് ട്രംപിന്‍റെ മുഖമുള്ള സ്വിം സ്യൂട്ട് പുറത്തിറക്കിയിരിക്കുന്നത്.

ഞെട്ടിത്തരിച്ച് വായുംപൊളിച്ച് നില്‍ക്കുന്ന ട്രംപിന്‍റെ മുഖമാണ് വസ്ത്രത്തില്‍ പ്രിന്‍റ് ചെയ്‍തിരിക്കുന്നത്. ഏകദേശം 3864 രൂപ (59.95 ഡോള‍ര്‍) വിലയുള്ള സ്വിം സ്യൂട്ട് 3220 രൂപയ്ക്കാണ് (49.95 ഡോളര്‍) കമ്പനി വില്‍ക്കുന്നത്. ഉത്തര കൊറിയന്‍ ഏകാധിപതി കിം ജോങ് ഉന്നിന്‍റെ മുഖമുള്ള റ്റീ ഷര്‍ട്ടും ഇതേ കമ്പനി പുറത്തിറക്കിയിട്ടുണ്ട്.

You can now get a swimsuit adorned with Donald Trump’s startled face

An American company has launched a swimsuit with Donald Trump’s startled face for sale.