5100എംഎഎച്ച്‌ ബാറ്ററിയുമായി ലെനോവോ പി2 വിപണിയിലേക്ക്

ലെനോവോ തങ്ങളുടെ പുതിയ സ്മാര്‍ട്ട്ഫോണ്‍ ഇന്ത്യന്‍ വിപണിയിലെത്തിക്കാൻ ഒരുങ്ങുന്നു. ചൈനയില്‍ മാത്രമേ ഈ ഫോൺ ഇപ്പോൾ ലഭിക്കൂ, എന്നാൽ ഈ മാസം 11ന് ഈ ഫോൺഇന്ത്യന്‍ വിപണിയില്‍ എത്തുമെന്ന് കമ്പനി ട്വിറ്ററിലൂടെ അറിയിച്ചു. 2016ലെ ഐഎഫ്‌എയിലാണ് ഈ ഫോണിനെ കുറിച്ച്‌ ആദ്യമായി അവതരിപ്പിച്ചത്. ഇപ്പോള്‍ ഫ്ളിപ്കാര്‍ട്ടിലൂടെയാണ് ഈ ഫോണ്‍ ഉപഭോക്താക്കളിലേക്ക് എത്തിക്കുക.



5.5 ഇഞ്ച് ഫുള്‍ എച്ച്‌ഡി സൂപ്പര്‍ അമോലെഡ് ഡിസ്പ്ലേ (1920X 1080 പിക്സല്‍ റെസൊല്യൂന്‍)യോട് കൂടിയാണ് ഫോൺ ഉപഭോക്താക്കളിലേക്ക് എത്തുന്നത്. ക്വല്‍കോം സ്നാപ്ഡ്രാഗണ്‍ പ്രോസസറാണ് ഫോണില്‍ ഉള്ളത്, 3ജിബി/4ജിബി റാമും 32 ജിബി ഇന്‍റേര്‍ണല്‍ സ്റ്റോറേജും ഫോണിലുണ്ട്. 128ജിബി വരെ കൂട്ടാവുന്ന മൈക്രോ എസ്‍‍ഡി കാര്‍ഡും ഫോണില്‍ ഉപയോഗിക്കാം.



13എംബി റിയര്‍ ക്യാമറയും 5എംബി മുന്‍ ക്യാമറയുമാണ് ഫോണിൽ ഘടിപ്പിച്ചിരിക്കുന്നത്. ഫോണിന് മുന്നില്‍ ഉള്‍പ്പെടുത്തിയിരിക്കുന്ന ഹോം ബട്ടണില്‍ ഫിങ്കര്‍പ്രിന്‍റും സെന്‍സറും ഘടിപ്പിച്ചിരിക്കുന്നു.



ആന്‍ഡ്രോയിഡ് മാര്‍ഷ്മലോ ഓപ്പറേറ്റിങ്ങ് സിസ്റ്റത്തിലാണ് ഫോൺ പ്രവര്‍ത്തിക്കുന്നത്. 5100എംഎഎച്ച്‌ ആണ് ഈ സ്മാര്‍ട്ട്ഫോണിന് ഘടിപ്പിച്ചിരിക്കുന്ന ബാറ്ററി.



കേവലം 15 മിനിറ്റ് ചാര്‍ജ്ജില്‍ പത്ത് മണിക്കൂര്‍ വരെ ബാറ്ററി ചാര്‍ജ്ജ് നില്‍ക്കുമെന്ന് കമ്പനി അവകാശപ്പെടുന്നു.


ഷാംപെയര്‍
ഗോള്‍ഡ്, ഗ്രാഫൈറ്റ് ഗ്രേ എന്നി നിറങ്ങളിൽ ഫോണ്‍ വിപണിയില്‍ ലഭിക്കും. 17,990 രൂപയാണ് ഫോണിന് ഇന്ത്യൻ വിപണിയിൽ പ്രതീക്ഷിക്കുന്ന വില.


Lenovo P2 coming with 5100 MaH Battery Power in to Indian Gadgets Market

Lenovo Introducing their new Product to the Indian Gadgets market. Lenovo P2 coming with 5100 MaH Battery power in to Indian Gadgets Market