ആഭരണങ്ങള്‍ക്ക് തിളക്കം നഷ്ടപ്പെടുന്നുവോ? ഇനി പേടിക്കേണ്ട

ആഭരണങ്ങള്‍ തിളക്കവും പുതുമയും നഷ്ടപ്പെട്ട് കറുത്തു പോകുക നാമെല്ലാം നേരിടുന്ന ഒരു പ്രശ്നമാണ്. കുറച്ച് നാള്‍ ഉപയോഗിക്കാതെ വെച്ചാല്‍ പിന്നീട് നോക്കുമ്പോള്‍ കരുവാളിച്ച് പഴകി ഇരിക്കുന്ന ആഭരണങ്ങളാണ് കാണാനാകുക. എത്ര പ്രിയപ്പെട്ട നെക്ക്‍ലെയ്‍സുകളും വളകളുമെല്ലാമാണ് ഈ രീതിയില്‍ നമുക്ക് നഷ്ടപ്പെട്ടിട്ടുള്ളത്. ഇവ അശാസ്ത്രീയമായി വൃത്തിയാക്കാന്‍ ശ്രമിച്ചാല്‍ നശിച്ച് പോകുക തന്നെ ചെയ്യും. ആഭരണങ്ങള്‍ നാശമാകാതെ സൂക്ഷിക്കാന്‍ ഇതാ ഏഴ് വഴികള്‍.



1) എല്ലാ ആഭരണങ്ങളും ഒരൊറ്റ പെട്ടിയില്‍ ഒരുമിച്ച് വെക്കുന്നത് അവസാനിപ്പിക്കുക. ഓരോന്നും അവയുടെ മറ്റീരിയല്‍, ഡിസൈന്‍ എന്നിവ പരിഗണിച്ച് വ്യത്യസ്തമായ പൗച്ചുകളിലാക്കി വെക്കുക.

2) പെര്‍ഫ്യൂമുകള്‍, ബോഡി സ്പ്രേകള്‍, ക്രീമുകള്‍ തുടങ്ങി അല്‍ക്കഹോള്‍ അടങ്ങുന്ന വസ്തുക്കളില്‍ നിന്ന് ആഭരണങ്ങള്‍ അകറ്റി വെക്കുക. മെറ്റലുകളില്‍ രാസമാറ്റമുണ്ടാക്കാന്‍ പ്രാപ്തമാണ് അവ.



3) സ്വര്‍ണാഭരണങ്ങള്‍ തന്നെ ഒരേ പെട്ടിയില്‍ കൂട്ടി വെച്ചാല്‍ നിറം നഷ്ടപ്പെടാന്‍ സാധ്യതയുണ്ട്.

4) വിലയേറിയ ഡയമണ്ട് ആഭരണങ്ങള്‍ വൃത്തിയാക്കാന്‍ വോഡ്‍ക ഉപയോഗിക്കാം.

5) വാഷിഹ്ങ് പൗഡറും കരിക്കട്ടയും ചേര്‍ത്ത് വൃത്തിയാക്കിയാല്‍ വെള്ളി ആഭരണങ്ങള്‍ വെട്ടിത്തിളങ്ങും.



6) ചൂട് വെള്ളത്തില്‍ ബെയ്‍കിങ്ങ് സോഡ ചേര്‍ത്തും വെള്ളി ആഭരണങ്ങള്‍ കഴുകാം.

7) വിലപിടിപ്പുള്ള രത്‍നങ്ങള്‍ വൃത്തിയാക്കാന്‍ സോഫ്റ്റ് ബ്രിസില്‍ ടൂത്ത് ബ്രഷുകള്‍ ഉപയോഗിക്കാവുന്നതാണ്.

ഇനി ധരിക്കൂ നിങ്ങള്‍ക്ക് ഇഷ്ടമുള്ള ആഭരണങ്ങള്‍ എത്ര നാള്‍ വേണമെങ്കിലും..


7 tips to clean your jewellery