മുഖകാന്തി വര്‍ദ്ധിപ്പിക്കാന്‍ ഗ്ലിസറിന്‍ ഉപയോഗിക്കാം

മുഖകാന്തി വര്‍ദ്ധിപ്പിക്കാന്‍ ഇന്ന് പെണ്‍കുട്ടികളും സ്ത്രീകളും പല വഴികളും തേടുന്നുണ്ട്. വിപണിയില്‍ ലഭ്യമാവുന്ന പല തരത്തിലുള്ള ക്രീമുകള്‍ പരീക്ഷിച്ച് മടുത്തവര്‍ ചിലപ്പോള്‍ ഫലം കണ്ടെത്തുക ചെറിയ പൊടിക്കൈകളിലായിരിക്കും

മുഖകാന്തി വര്‍ദ്ധിപ്പിക്കാനും മുഖം തിളങ്ങാനും സഹായിക്കുന്ന ഒന്നാണ് ഗ്ലിസറിന്‍. പഞ്ചസാരയും ആല്‍ക്കഹോളും കൂടിച്ചേര്‍ന്ന ഗ്ലിസറിനില്‍ ഓക്സിജനും കാര്‍ബണും ഹൈഡ്രജനും അടങ്ങിയിട്ടുണ്ട്. ഇവ മുഖത്തെ മിനുസപ്പെടുത്തും കൂടാതെ മുഖസൗന്ദര്യം കൂട്ടുകയും ചെയ്യും.

മുഖസൗന്ദര്യം വര്‍ദ്ധിപ്പിക്കാനുളള ക്രീമുകളില്‍ ധാരാളം ഗ്ലിസറിന്‍ അടങ്ങിയിട്ടുണ്ടെങ്കിലും നേരിട്ട് ഉപയോഗിക്കുന്നതാണ് കൂടുതല്‍ ഫലപ്രദം . എണ്ണമയമുളള പ്രകൃതക്കാര്‍ക്ക് ഗ്ലിസറിന്‍ ഉപയോഗിക്കുന്നത് വളരെ നല്ലതാണ്.

മുഖത്തിന് ആവശ്യമായ ജലാംശവും ഗ്ലിസറിന്‍ നല്‍കും. സണ്‍സ്ക്രീന്‍ ലോഷനായും ഗ്ലിസറിന്‍ ഉപയോഗിക്കാം. ചുണ്ട് വിണ്ട് കീറുന്നതിനും ഗ്ലിസറിന്‍ ഫലപ്രദമാണ്.

ഗ്ലിസറിനൊപ്പം അര ടീസ്പൂൺ കടലമാവ്, ഒരു ടീസ്പൂൺ തൈര്, അര ടീസ്പൂൺ മഞ്ഞൾപൊടി എന്നിവ നന്നായി മിക്സ് ചെയ്ത് മുഖത്ത് പുരട്ടുന്നത് നല്ലതാണ്. പിന്നീട് തണുത്ത വെള്ളത്തിൽ കഴുകി കളയുക. ഇത്തരത്തില്‍ പലവിധേനയും ഗ്ലിസറിന്‍ ഉപയോഗിക്കാവുന്നതാണ്.