സണ്‍സ്ക്രീന്‍ ഉപയോഗം ശരിയായ രീതിയിലല്ലെങ്കില്‍

സ്ഥിരമായി സണ്‍സ്ക്രീന്‍ ഉപയോഗിച്ചതു കൊണ്ടു മാത്രം കാര്യമില്ല. ഇവ ആവശ്യത്തിനുള്ള സുരക്ഷ നിങ്ങളുടെ ചര്‍മ്മത്തിന് നല്‍കുന്നുണ്ടോ? ഏറ്റവും പ്രധാനമായി ശ്രദ്ധിക്കേണ്ട ഒരു കാര്യമാണ് അത്.

ആളുകളുടെ സണ്‍സ്ക്രീന്‍ ഉപയോഗം അനുസരിച്ച് അവ എത്രത്തോളം സുരക്ഷ നല്‍കുന്നു എന്ന കാര്യം വിലയിരുത്താന്‍ ലണ്ടനിലെ കിംഗ്സ് കോളേജ് ഈയിടെ പഠനം നടത്തിയിരുന്നു. സണ്‍സ്ക്രീന്‍ ഉപയോഗിക്കുന്ന മിക്കവര്‍ക്കും അതിന്‍റെ ഫലം പൂര്‍ണ്ണമായും ലഭിക്കുന്നില്ല എന്ന് ഇവര്‍ കണ്ടെത്തി.

ഓരോ ക്രീമും ശരീരത്തില്‍ പ്രയോഗിക്കേണ്ട ഒരു അളവുണ്ട്. അതില്‍ കുറഞ്ഞാലോ കൂടിയാലോ ഉദ്ദേശിച്ച ഫലം ലഭിക്കില്ല.ഇവിടെ ആവശ്യമായതിലും കുറവ് സണ്‍സ്ക്രീന്‍ ആണ് സാധാരണ ആളുകള്‍ ഉപയോഗിക്കുന്നത് എന്നാണ് പഠനത്തില്‍ കണ്ടെത്തിയത്.

രണ്ടു മില്ലിഗ്രാമിലും കുറവ് ക്രീം പുരട്ടിയ ശേഷം സൂര്യപ്രകാശം ഏല്‍ക്കുമ്പോള്‍ ഡി എന്‍ എ യില്‍ ഉണ്ടാവുന്ന മാറ്റം വിലയിരുത്തുകയാണ് ഇവര്‍ ആദ്യം ചെയ്തത്. എസ് പി എഫ് മൂല്യം 50 ആയിട്ടുള്ള സണ്‍സ്ക്രീന്‍ ആണ് ഇവര്‍ ഉപയോഗിച്ചത്. അപ്പോള്‍ ഫലം വെറും 40% മാത്രമാണ് ലഭിച്ചത്. അതിനാല്‍ സണ്‍സ്ക്രീന്‍ ശരിയായ രീതിയില്‍, ശരിയായ അളവില്‍ ഉപയോഗിക്കണമെന്ന് ഇവര്‍ നിര്‍ദ്ദേശിക്കുന്നു.