മുഖം തിളങ്ങാൻ ആവശ്യത്തിലധികം മാർഗം തേടുന്നവരാണ് മിക്കവരും. എന്നാൽ ചില ശീലങ്ങൾ മുഖത്തെ അഴക് കെടുത്തുമെന്ന് മാത്രമല്ല, ചർമ്മത്തെ നശിപ്പിക്കുകയും ചെയ്യും. അത്തരം ശീലങ്ങൾ ഏതെന്ന് നോക്കാം. ബ്രാൻഡഡ് പ്രോഡക്ടുകളിൽ വീണ് , പരസ്യങ്ങളിൽ വീണ് ക്രീമുകൾ വാരിപ്പൊത്തുന്നതിന് മുമ്പ് ആലോചിക്കുക. കാരണം ചില ക്രീമുകൾ നമ്മുടെ ശരീരത്തിന് ചേരുന്നതായിരിക്കില്ല. അതിനാൽ ഇത്തരം കാര്യങ്ങളിൽ പ്രത്യേക ശ്രദ്ധ വേണം. ആദ്യം കുറച്ച് ക്രീം എടുത്ത് കയ്യുടെ പുറംഭാഗത്ത് തേച്ച് പരീക്ഷിച്ചതിനു ശേഷം കുഴപ്പമില്ലെങ്കിൽ മാത്രം മുഖത്തു തേക്കാം.വെളുക്കാൻ വേണ്ടി ചെയ്യുന്ന സ്ക്രബിംഗ് അധികമായാലും പ്രശ്നമാണ്. വെളുക്കുന്നതിനു പകരം ഇത് മുഖത്തെ കറുപ്പിക്കും.അധിക ചൂടിൽ ആവി പിടിക്കുന്നത് മുഖം പൊള്ളാനും വരണ്ട പോലെയാകാനും ഇടവരുത്തും.ചൂട് കൂടിയ വെള്ളത്തിൽ മുഖം കഴുകുന്നത് മുഖ ചർമ്മത്തെ ബാധിക്കുകയും, എണ്ണമയം കളയുകയും ചെയ്യും. മുഖം വാക്സ് ചെയ്യുന്നത് ചർമ്മത്തിൽ പെട്ടന്ന് ചുളിവുകൾ വീഴാൻ കാരണമാകുമെന്നാണ്. മുഖരോമം അമിതമായുണ്ടെങ്കിൽ ബ്ലീച്ച് ചെയ്യുന്നതും ലേസർ ഹെയർ റിമൂവൽ ട്രീറ്റ്മെന്റുമാണ് നല്ലത്. വാക്സ് ചെയ്യുന്നത് മുഖത്ത് മുറിവുണ്ടാകാനും തുടർന്ന് രോഗസംക്രമണമുണ്ടാകാനും കാരണമാകും.
മുഖ ചർമ്മത്തെ നശിപ്പിക്കുന്ന ഈ ശീലങ്ങൾ ഉപേക്ഷിക്കൂ
മുഖം മിനുക്കാനുള്ള മാർഗങ്ങൾ തിരയുക മാത്രമല്ല ചെയ്യേണ്ടത്, മുഖ ചർമ്മത്തെ ബാധിക്കുന്ന ശീലങ്ങളും ഉപേക്ഷിക്കാനും പ്രത്യേകം ശ്രദ്ധിക്കണം. മറ്റൊരാളുടെ ചർമ്മത്തിൽ ഉപയോഗിക്കുന്നതൊന്നും എടുത്ത് സ്വന്തം മുഖത്ത് പ്രയോഗിക്കരുത്
Samayam Malayalam 14 Mar 2019, 9:25 pm
ഹൈലൈറ്റ്:
- മുഖം തിളങ്ങാൻ ആവശ്യത്തിലധികം മാർഗം തേടുന്നവരാണ് മിക്കവരും
- എന്നാൽ ചില ശീലങ്ങൾ മുഖത്തെ അഴക് കെടുത്തുമെന്ന് മാത്രമല്ല, ചർമ്മത്തെ നശിപ്പിക്കുകയും ചെയ്യും
- അത്തരം ശീലങ്ങൾ ഏതെന്ന് നോക്കാം