മെയ്ക്ക് അപ്പ് കിറ്റിനെക്കുറിച്ച് ശ്രദ്ധാലുവാകൂ

സൗന്ദര്യ വർദ്ധക വസ്തുക്കള്‍ അഥവാ കോസ്മെറ്റിക്സ് എന്നും ഒരു പഠന വിഷയം തന്നെയാണ്. അനുദിനം വളര്‍ന്നു കൊണ്ടിരിക്കുന്ന ഒരു വ്യവസായ മേഖല കൂടിയാണത്. വിദ്യാര്‍ത്ഥികള്‍, യുവതീ യുവാക്കള്‍ എന്നു വേണ്ട, ആൺ പെൺ വ്യത്യാസമില്ലാതെ എല്ലാ പ്രായക്കരാും ഇന്ന് ഏതെങ്കിലും തരത്തിലുള്ള കോസ്മെറ്റിക് ഉപയോഗിക്കുന്നവരാണ്. എന്നാല്‍ ചില സൗന്ദര്യ വര്‍ദ്ധക വസ്തുക്കളില്‍ അടങ്ങിയിരിക്കുന്ന രാസവസ്തുക്കള്‍ ശരീരത്തിന് വിഷകരമായ പല ഘടകങ്ങളുമുണ്ടെന്നാണ് പഠനങ്ങള്‍ സൂചിപ്പിക്കുന്നത്.

ഹാനികരമായ സൗന്ദര്യ വര്‍ദ്ധക വസ്തുക്കളില്‍ ചിലത് ഇതാ:

*സോഡിയം ലോറില്‍ സൾഫേറ്റ് അടങ്ങിയ ഷാമ്പൂ കണ്ണിന് അസ്വസ്ഥതയും അപകടവും അതു വഴി നാഡീ വ്യൂഹത്തിന് തന്നെ ആപത്കരവും ആയേക്കും.

*ഐ ഷാഡോകളില്‍ മുപ്പതോളം രാസവസ്തുക്കളാണ് അടങ്ങിയിരിക്കുന്നത്. അതില്‍ ഏറ്റവും അപകടം പോളിഎതിലീൻ ടെട്രോ ഫിലാതലേറ്റഅ എന്ന രാസവസ്തുവാണ്. ക്യാന്‍സര്‍, വന്ധ്യത, ഹോര്‍മോൺ തകരാറുകള്‍, ആന്തരിക അവയവങ്ങൾക്ക് കേടുപാടുകള്‍ എന്നിവ ഉണ്ടാവാൻ സാധ്യതയുണ്ട്.

*ഡിയോഡറന്‍റ്, പെര്‍ഫ്യൂമുകള്‍, ശരീര ലേപനങ്ങൾ എന്നിവയ്ക്ക് ഹോര്‍മോൺ തകരാറുകൾ വരുത്തിവെയ്ക്കാനുള്ള കഴിവുണ്ട്.

*ലിപ്സ്റ്റിക്, നെയില്‍ പോളിഷ് എന്നിവയിലും ക്യാന്‍സറിന് കാരണമായേക്കാവുന്ന രാസവസ്തുക്കൾ ഉണ്ട്.