ഓറഞ്ച്
ഓറഞ്ച് നമ്മുടെ ശരീരത്തിന് നൽകുന്ന പലവിധ ഗുണങ്ങളെക്കുറിച്ച് ഏതൊരാൾക്കും അറിയാമായിരിക്കും. ആന്റിഓക്‌സിഡന്റുകളുടെ കലവറയായ ഓറഞ്ച് നിങ്ങളുടെ ചർമ്മ സൗന്ദര്യം വർദ്ധിപ്പിക്കുന്നതിനുള്ള പ്രകൃതിദത്ത മാർഗങ്ങളിലൊന്നു കൂടിയാണ്. ചർമ്മത്തെ പരിപോഷിപ്പിക്കാൻ സഹായിക്കുന്ന ബീറ്റാ കരോട്ടിൻ, ഫോളിക് ആസിഡ്, ഫോസ്ഫേറ്റുകൾ, അയഡിഡുകൾ, അയൺ, ഫൈറ്റോ ന്യൂട്രിയന്റുകൾ, ഫ്ലേവനോയ്ഡുകൾ എന്നിവ ഓറഞ്ചിൽ അടങ്ങിയിട്ടുണ്ട്.
വൈറ്റമിന്‍ സി
വൈറ്റമിന്‍ സിയുടെ മുഖ്യ ഉറവിടമായ ഇത് നല്ലൊരു ബ്ലീച്ചിംഗ് ഏജന്റു കൂടിയാണ്. ധാരാളം ആന്റി ഓക്‌സിഡന്റുകളും ബ്ലീച്ചിംഗ് ഏജന്റായി പ്രവര്‍ത്തിയ്ക്കുന്ന സിട്രിക് ആസിഡുമെല്ലാം തന്നെ ഇതില്‍ ധാരാളമുണ്ട്. ഇതു കഴിയ്ക്കുന്നതും മുഖത്തു പുരട്ടുന്നതുമെല്ലാം തന്നെ നല്ലതാണ്. ഇത് അല്‍പകാലം അടുപ്പിച്ചു ചെയ്താല്‍ മുഖത്തിന നല്ല നിറം ലഭിയ്ക്കും. മുഖം തുടുക്കും. കവിളുണ്ടാകും. മുഖത്തെ ചുളിവുകള്‍ നീങ്ങാനും മുഖത്തിനു മാര്‍ദവം ലഭിയ്ക്കാനുമെല്ലാം ഇതേറെ നല്ലതാണ്. ചര്‍മത്തിന് ഇലാസ്റ്റിസിറ്റി നല്‍കുന്ന, ചര്‍മം അയഞ്ഞു തൂങ്ങാതെ സഹായിക്കുന്ന ഒരു വിദ്യ കൂടിയാണിത്.
തിളക്കമുള്ളതും വൃത്തിയുള്ളതുമായ ചര്‍മ്മം
തിളക്കമുള്ളതും വൃത്തിയുള്ളതുമായ ചര്‍മ്മം ലഭിക്കാന്‍ ഈ ഓറഞ്ച് മസാജ് സഹായിക്കും. ചര്‍മ്മത്തിന്റെ മങ്ങല്‍ അകറ്റാനും അയവ്‌ ഇല്ലാതാക്കാനും ഈ മസാജ്പരീക്ഷിച്ചു നോക്കാവുന്നതാണ്. പാര്‍ട്ടിക്കോ മറ്റ്‌ ആഘോഷങ്ങള്‍ക്കോ പോകുന്നതിന്‌ തൊട്ടു മുമ്പ്‌ ചര്‍മ്മത്തിന്‌ തിളക്കം നല്‍കി മുഖ കാന്തി വര്‍ധിപ്പിക്കാനായി വളരെ വേഗത്തില്‍ ഉപയോഗിക്കാവുന്ന ഒരു മസാജ് ആണ്‌ ഇത്.
സൂര്യപ്രകാശം ഏല്‍ക്കുന്നത്‌ മൂലം ഉണ്ടാകുന്ന മങ്ങല്‍ അകറ്റി ചര്‍മ്മത്തിന്‌ തിളക്കം നല്‍കാന്‍ വളരെ ഫലപ്രദമാണ്‌. ഇതിലൂടെ ഉന്മേഷവും തിളക്കവും തോന്നിപ്പിക്കുന്ന ചര്‍മ്മം ലഭിക്കും. ചര്‍മ്മം നന്നായി വൃത്തിയാക്കാന്‍ ഇത് സഹായിക്കും. ചര്‍മ്മത്തിന്റെ ഉപരിതലത്തിലെ മൃതകോശങ്ങള്‍ നീക്കം ചെയ്യുന്നതിലൂടെ ചര്‍മ്മത്തിലെ സുഷിരങ്ങള്‍ വൃത്തിയാവുകയും ഇതില്‍ അടിഞ്ഞു കൂടിയ മാലിന്യങ്ങള്‍ പുറന്തള്ളപ്പെടുകയും ചെയ്യും. മാലിന്യങ്ങള്‍ എല്ലാം നീക്കം ചെയ്‌ത്‌ ചര്‍മ്മത്തിന്‌ തിളക്കം നല്‍കും.
ഓറഞ്ച്
ഓറഞ്ച് ആയാലും അതിൻ്റെ തൊലി ആയാലും അതിലടങ്ങിയിരിക്കുന്ന ഗുണങ്ങൾക്ക് ചർമ്മത്തെ പുനരുജ്ജീവിപ്പിക്കാനുള്ള പ്രത്യേക കഴിവുണ്ട് എന്ന് പറയപ്പെടുന്നു. കാരണം ഓറഞ്ചിൽ ഏറ്റവും ഉയർന്ന അളവിൽ അടങ്ങിയിട്ടുള്ളത് സിട്രിക് ആസിഡും വിറ്റാമിൻ സി യുമാണ്. ഇത് നിങ്ങളുടെ ചർമ്മത്തിൻ്റെ ആരോഗ്യത്തിന് ഏറ്റവും ആവശ്യകമായ രണ്ട് പോഷകങ്ങളാണ്. ഈയൊരു കാരണം കൊണ്ട് തന്നെയാണ് പലരും ഇന്ന് ഓറഞ്ച് ഉപയോഗിച്ചുകൊണ്ടുള്ള ഫേസ് മാസ്കുകൾ പരീക്ഷിക്കാൻ ഇഷ്ടപ്പെടുന്നത്.