താരന്‍ ഉണ്ടാകുന്നതിന്റെ പ്രധാന കാരണങ്ങള്‍
പല കാരണങ്ങള്‍ കൊണ്ട് താരന്‍ ഉണ്ടായെന്ന് വരാം. അമിതമായി എണ്ണ തലയില്‍ പുരട്ടുന്നതും അത് മുഴുവനായും കഴുകി കളയാത്തതും താരന്‍ വരുന്നതിന്റെ പ്രധാന കാരണങ്ങളില്‍ ഒന്നാണ്. അതുപോലെ, കൃത്യമായ രീതിയില്‍ തല കഴുകി വൃത്തിയാക്കി എടുക്കാത്തതും തലയില്‍ ഫംഗസ് വരുന്നതിനും കാരണമാകുന്നു.
ചിലര്‍ കൃത്യമായ ഇടവേളകളില്‍ തലമുടി കഴുകാതിരിക്കുന്നത് മുടിയുടെ ആരോഗ്യത്തേയും തലയിലെ താരനേയും വളര്‍ത്തുന്നു. ഇത് കൃത്യമായ രീതിയില്‍ പരിചരിച്ചില്ലെങ്കില്‍ മഞ്ഞുകാലത്ത് കൂടുന്നതിനും കൂടുതല്‍ അസ്വസ്ഥതകള്‍ വരുന്നതിനും കാരണമാകുന്നു. വീട്ടില്‍ തന്നെ ചെയ്യാവുന്ന മാര്‍ഗ്ഗങ്ങള്‍ എന്തെല്ലാമെന്ന് നോക്കാം.
കറ്റാര്‍വാഴ
സ്ഥിരമായി നല്ല ഫ്രഷ് കറ്റാര്‍വാഴ ജെല്‍ തലയില്‍ പുരട്ടുന്നത് മുടിയുടെ ആരോഗ്യത്തിന് മാത്രമല്ല, തലയിലെ താരന്‍ മാറ്റുന്നതിനും ഇത് സഹായിക്കും. തലമുടിയെ നല്ലപോലെ മോയ്‌സ്ച്വര്‍ ചെയ്ത് നിലനിര്‍ത്തുന്നതിനും തലയിലെ താരനും ഫംഗല്‍ ഇന്‍ഫക്ഷനുമെല്ലാം കുറച്ച് തലയിലെ ചൊറിച്ചില്‍ മാറ്റിയെടുക്കുന്നതിനുമെല്ലാം കറ്റാര്‍വാഴ ഗുണപ്രദമാണ്. കറ്റാര്‍വാഴയില്‍ ആന്റി ബാക്ടീരിയല്‍, ആന്റിഫംഗല്‍ ഗുണങ്ങള്‍ അടങ്ങിയിരിക്കുന്നു. ഇത് താരന്‍ പോലെയുള്ള ഫംഗല്‍ ഇന്‍ഫക്ഷന്‍സ് കുറയ്ക്കുന്നു.
ആര്യവേപ്പില
താരനും ചര്‍മ്മത്തിലെ പ്രശ്‌നങ്ങളും അകറ്റിയെടുക്കാന്‍ ഏറ്റവും നല്ല മാര്‍ഗ്ഗമാണ് ആര്യവേപ്പില ഉപയോഗിക്കുക എന്നത്. ആര്യവേപ്പിലയിലും ആന്റിഫംഗല്‍, ആന്റി ബാക്ടീരിയല്‍ പ്രോപര്‍ട്ടീസ് അടങ്ങിയിരിക്കുന്നു. അതിനാല്‍, ഇത് തലയിലെ താരന്‍ മാറ്റിയെടുക്കാന്‍ സഹായിക്കും.
താരന്‍ കളയുന്നതിന് ആര്യവേപ്പില വെള്ളത്തിലിട്ട് നന്നായി തിളപ്പിച്ചെടുക്കണം. ഇത് പിറ്റേദിവസം എടുത്ത് തലകഴുകുക. ഇത്തരത്തില്‍ അടുപ്പിച്ച് ചെയ്യുന്നത് തലയിലെ താരന്‍ കളയുന്നതിന് സഹായിക്കും. തലയോട്ടി നല്ല ക്ലീന്‍ ആയി മുടി വേഗത്തില്‍ വളരുന്നതിനും ഇത് സഹായകമാണ്.
ചെറുനാരങ്ങ
താരന്‍ കളയാന്‍ ഏറ്റവും ഫലപ്രദമായിട്ടുള്ള മറ്റൊരു മാര്‍ഗ്ഗമാണ് ചെറുനാരങ്ങയുടെ ഉപയോഗം. ചെറുനാരങ്ങയില്‍ അടങ്ങിയിരിക്കുന്ന സിട്രിക് ആസിഡ് തല വൃത്തിയാക്കി വെക്കുന്നതിന് സഹായിക്കും. ചെറുനാരങ്ങ നീര് നേരിട്ട് ഉപയോഗിക്കുന്നതിനേക്കാള്‍ അതില്‍ തുല്ല്യമായ അളവില്‍ വെളിച്ചെണ്ണയും ചേര്‍ക്കുന്നത് നല്ലതാണ്. ഇവ രണ്ടും മിക്‌സ് ചെയ്ത് തലയില്‍ നല്ലപോലെ തേച്ച് പിടിപ്പിക്കുക. അതിന് ശേഷം നന്നായി ഷാംപൂ വാഷ് ചെയ്യുന്നത് നല്ലതാണ്. ഇത്തരത്തില്‍ അടുപ്പിച്ച് ചെയ്യുന്നത് നല്ല ഫലം ലഭിക്കുന്നതിന് സഹായിക്കും.
ടീ ട്രീ ഓയില്‍
താരന്‍ കളയാന്‍ ഫലപ്രമായ മറ്റൊരു മാര്‍ഗ്ഗമാണ് ടീ ട്രീ ഓയില്‍ ഉപയോഗിക്കുന്നത്. ഇതിന് ആന്റിഫംഗല്‍, ആന്റിമൈക്രോബയല്‍ ഗുണങ്ങളുണ്ട്. അതിനാല്‍ തലയിലെ താരന്‍ വേഗത്തില്‍ മാറ്റിയെടുത്ത് മുടി കൊഴിച്ചില്‍ കുറയ്ക്കാന്‍ ഈ ഓയില്‍ ഉപയോഗിക്കുന്നതിലൂടെ സാധിക്കുന്നതാണ്.
ഇതിനായി രണ്ട് തുള്ളി ടീ ട്രീ ഓയില്‍ ബദാം ഓയിലില്‍ മിക്‌സ് ചെയ്ത് ഉപയോഗിക്കുന്നത് നല്ലതാണ്. ഓയില്‍ പുരട്ടിതിന് ശേഷം പതുക്കെ മസാജ് ചെയ്ത് കൊടുക്കുക. ഇത് തലയിലെ താരന്‍ നീക്കം ചെയ്യുന്നതിന് സഹായിക്കും. ഇത്തരത്തില്‍ ഇടയ്ക്കിടയ്ക്ക് ചെയ്താല്‍ കൂടുതല്‍ ഫലം ലഭിക്കുന്നതായിരിക്കും.