ചൂട് വെള്ളത്തില്‍ മുടി കഴുകരുത്
തണുപ്പ് കാലത്ത് കുളിക്കുന്ന കാര്യം പലര്‍ക്കും ഭയങ്കര ബുദ്ധിമുട്ടാണ്. അതുകൊണ്ട് തന്നെ പലരും ഈ സമയത്ത് ചൂട് വെള്ളം ഉപയോഗിച്ച് കുളിക്കാറുണ്ട്. പലരും ചെയ്യുന്ന ഏറ്റവും വലിയ മണ്ടത്തരമാണിത്. സ്റ്റൈലിംഗ് ചെയ്യാന്‍ ചൂട് ഉപകരണങ്ങള്‍ ഉപയോഗിക്കുന്നത് പോലെ തന്നെ ദോഷകരമാണ് ചൂട് വെള്ളം ഉപയോഗിച്ച് കഴുകുന്നത്. തലമുടി ഉണങ്ങുകയും വരണ്ട് പോകുകയും ചെയ്യാം. അതുകൊണ്ട് ചെറു ചൂടുള്ള വെള്ളത്തില്‍ മുടി കഴുകുക.
ചീകുമ്പോള്‍ ശ്രദ്ധിക്കണം
മുടി ചീകുമ്പോള്‍ ഒരിക്കലും ചെയ്യാന്‍ പാടില്ലാത്ത ചില തെറ്റുകളുണ്ട്. നനഞ്ഞ മുടി ചീകാന്‍ പാടില്ല, മുടി ചീകുമ്പോഴും ബാക്ക്കോമ്പിംഗ് ചെയ്യുമ്പോഴും പരുഷമായി പെരുമാറുന്നത് ഒഴിവാക്കുക. കൂടാതെ, മുടിയില്‍ എന്തെങ്കിലും ഉല്‍പ്പന്നങ്ങള്‍ ഉപയോഗിച്ചതിന് ശേഷം മുടി ചീകുന്നത് ഒഴിവാക്കുക.
ചൂട് ഒഴിവാക്കാം
മുടി ഭംഗിയായി നിലനിര്‍ത്താന്‍ പല തരത്തിലുള്ള സ്റ്റൈലിംഗ് രീതികള്‍ എല്ലാവരും ഉപയോഗിക്കാറുണ്ട്. പക്ഷെ ഇതിന്റെയൊക്കെ നെഗറ്റീവ് ഫലങ്ങള്‍ എന്താണെന്ന് മനസിലാക്കാതെയാണ് പലരും ഉപയോഗിക്കുന്നത് എന്നതാണ് സത്യം. മുടിയില്‍ അമിതമായി ചൂട് കൊടുത്ത് ചെയ്യുന്ന എല്ലാ സ്‌റ്റൈല്ലിംഗും മുടിയെയും അതുപോലെ തലയോട്ടിയെയും നശിപ്പിക്കും. ഇത് കാരണം മുടി പൊഴിയുക മാത്രമല്ല മുടി വരണ്ടതും പരുക്കനും തിളക്കമില്ലാത്തതുമായി പോകാന്‍ സാധ്യത കൂടുതലാണ്.
Also Read: Beetroot lip balm: കെമിക്കലുകൾ ഇല്ലാത്ത ബീറ്റ്റൂട്ട് ലിപ്പ് ബാം വീട്ടിൽ എളുപ്പത്തിൽ തയാറാക്കാം
മുടിയില്‍ കെമിക്കല്‍ ട്രീന്റ്‌മെന്റുകള്‍ വേണ്ട
ഹെയര്‍ സ്ട്രൈറ്റനിംഗ്, സ്മൂത്തനിംഗ്, കെരാറ്റിന്‍ ട്രീറ്റ്മെന്റുകള്‍ മുതലായവ ഉള്‍പ്പെടെയുള്ള മുടിയുടെ ആരോഗ്യത്തെ ബാധിക്കാം. ഈ ചികിത്സകളിലെല്ലാം രാസവസ്തുക്കള്‍ ഉപയോഗിക്കുന്നു, ഇത് നിങ്ങളുടെ മുടിയെ ഗുരുതരമായി നശിപ്പിക്കും. വരള്‍ച്ച, പൊട്ടല്‍, അറ്റം പിളരുക, മുടികൊഴിച്ചില്‍ എന്നിവപോലും സാധ്യമായ പാര്‍ശ്വഫലങ്ങളാണ്. ഹെയര്‍ സ്റ്റൈലിംഗ് ഉല്‍പ്പന്നങ്ങളുടെ പതിവ് ഉപയോഗത്തിലൂടെ ഈ പ്രശ്‌നങ്ങള്‍ കൂടുതല്‍ വഷളാകും.