പുരികത്തിന് കട്ടി കൂടുന്നതും കുറയുന്നതുമൊക്കെ ജനിതകമായി ലഭിക്കുന്ന കാര്യങ്ങളാണ് എന്നൊന്നും പറഞ്ഞ് ഇനിയാരും നിരാശപ്പെേണ്ടതില്ല. മറ്റൊരാളുടെ കട്ടികൂടിയ പുരികെത്തെ ഓർത്ത് ഇനിയാരും അസൂയപ്പെടേണ്ടതുമില്ല. പ്രകൃതിദത്തമായ ചില നുറുങ്ങു വിദ്യകളുടെ സഹായത്തോടെ വീട്ടിൽ തന്നെ എളുപ്പത്തിൽ നിങ്ങൾക്ക് കട്ടിയുള്ള പുരികം ലഭിക്കും. ഇതിനുള്ള 5 ലളിത മാർഗ്ഗങ്ങളെ കുറിച്ച് അറിയാം.
ആവണക്കെണ്ണ
സൗന്ദര്യസംരക്ഷണ ഗുണങ്ങൾക്ക് പേരുകേട്ടതാണ് ആവണക്കെണ്ണ. ഇതിലെ അത്ഭുതപ്പെടുത്തുന്ന ഗുണങ്ങൾ നിങ്ങൾക്ക് കട്ടിയുള്ള പുരികങ്ങൾ സമ്മാനിക്കും. പ്രോട്ടീൻ, ഫാറ്റി ആസിഡുകൾ, ആന്റിഓക്‌സിഡന്റുകൾ, വിറ്റാമിനുകൾ എന്നിവയാൽ നിറഞ്ഞിരിക്കുന്ന ഇവ നിങ്ങളുടെ പുരികരോമങ്ങളെ പരിപോഷിപ്പിക്കാനും വളർച്ചയെ ഉത്തേജിപ്പിക്കാനും സഹായിക്കും. കട്ടിയുള്ള പുരികം നേടിയെടുക്കാനായി ഒരാൾ ആകേ ചെയ്യേണ്ടത് ഈ അത്ഭുത എണ്ണയുടെ ഏതാനും തുള്ളികൾ നിങ്ങളുടെ പുരികത്തിൽ മസാജ് ചെയ്യുക മാത്രമാണ്. ഒരു കോട്ടൺ തുണി ആവണക്കെണ്ണയിൽ മുക്കിയതിനു ശേഷം രണ്ടു പുരികത്തിലും നന്നായി തേച്ചു പിടിപ്പിക്കുക. വിരലുകൾ ഉപയോഗിച്ച് നന്നായൊന്ന് മസാജ് ചെയ്ത് കൊടുക്കാം. ഇതിനുശേഷം 30 മിനിറ്റ് അതെങ്ങനെ മുഖത്തിരിക്കട്ടെ. ഇതുകഴിഞ്ഞാൽ മേക്കപ്പ് റിമൂവർ അല്ലെങ്കിൽ ചെറുചൂടുള്ള വെള്ളം ഉപയോഗിച്ച് ഇത് തുടച്ചുമാറ്റുക.
വെളിച്ചെണ്ണ
പണ്ടുമുതലേ വെളിച്ചെണ്ണ സൗന്ദര്യസംരക്ഷണത്തിന്റെ ഭാഗമായി ഉപയോഗിച്ചുവരുന്നുണ്ട്. കണ്ടീഷനിംഗ്, മോയ്‌സ്ചറൈസിംഗ് തുടങ്ങി സൗന്ദര്യ സംരക്ഷണവുമായി ബന്ധപ്പെട്ട് ഏത് കാര്യമാണെങ്കിലും വെളിച്ചെണ്ണയിലെ മാന്ത്രിക ഗുണങ്ങൾ ആവശ്യമായ ഫലം നൽകും. ഈ പ്രകൃതിദത്ത എണ്ണയിൽ ലോറിക് ആസിഡ് ഉണ്ട്. ഇത് ഒരു ആന്റിമൈക്രോബയൽ ഏജന്റായി പ്രവർത്തിക്കുകയും എല്ലാത്തരം അണുബാധകളേയും അകറ്റിനിർത്താൻ സഹായിക്കുകയും ചെയ്യുന്നു. ചെറുതായി ചൂടാക്കിയ വെളിച്ചെണ്ണ വിരൽത്തുമ്പിൽ എടുത്ത് പുരികങ്ങളിൽ തേച്ചു പിടിപ്പിക്കുക. നന്നായി മസാജ് ചെയ്യുന്നത് വഴി ഭാഗത്തേക്കുള്ള രക്തയോട്ടം മെച്ചപ്പെടുത്താൻ സാധിക്കും. ആഴ്ചയിൽ മൂന്നോ നാലോ തവണയെങ്കിലും കുറച്ച് തുള്ളി വെളിച്ചെണ്ണ പുരികങ്ങളിൽ പുരട്ടുന്നുണ്ടെന്ന് ഉറപ്പാക്കുക.
സവാളയുടെ നീര്
കേൾക്കുമ്പോൾ അല്പം വിചിത്രമെന്ന് തോന്നാമെങ്കിലും നല്ല കട്ടിയുള്ള പുരികങ്ങൾ വേണമെന്ന ആഗ്രഹമുണ്ടെങ്കിൽ നിങ്ങൾക്ക് സവാള നീര് ഉപയോഗിക്കാനാകും. സവാളയിൽ സൾഫർ, സെലിനിയം, മിനറൽ, വിറ്റാമിൻ ബി, സി എന്നിവയടക്കം ധാരാളം പോഷകങ്ങൾ അടങ്ങിയിട്ടുണ്ട്. ഇവയെല്ലാം പുരികരോമങ്ങളുടെ വളർച്ചയ്ക്ക് കരുത്തും നിറവും നൽകുന്നതാണ്. പുരികങ്ങളുടെ ശരിയായ വളർച്ചയ്ക്ക് നിർണായകമായ കൊളാജനെ ഉത്തേജിപ്പിക്കാൻ ഇതിലെ സൾഫർ പോഷകങ്ങൾ സഹായിക്കുന്നു. സവാള നിരിന് ദുർഗന്ധം കുറവായതിനാൽ തന്നെ പുരികങ്ങളിൽ എപ്പോൾ വേണമെങ്കിലും ഉപയോഗിക്കാനുമാവും. സവാളയിൽ നിന്നും നീരെടുത്ത് ഇത് പുരികങ്ങളിൽ തേച്ച് പിടിപ്പിക്കാം. 5 മിനിറ്റ് നന്നായി മസാജ് ചെയ്ത ശേഷം കഴുകിക്കളയാം. നാരങ്ങ നീരിനൊടെപ്പം ചേർത്ത് ഉപയോഗിക്കുകയാണെങ്കിൽ ഇത് കൂടുതൽ ഗുണം ചെയ്യും. ഓരോ ഇതര ദിവസങ്ങളിലും നിങ്ങളുടെ പുരികങ്ങളിൽ സവാളനീര് ഉപയോഗിച്ചാൽ ലഭിക്കുന്ന ഗുണങ്ങൾ കണ്ടാൽ തീർച്ചയായും നിങ്ങൾ അത്ഭുതപ്പെടും.
Also read: മുഖത്ത് കുങ്കുമാദി തൈലം ഇങ്ങനെ പുരട്ടൂ, വ്യത്യാസം കാണാം
മുട്ടയുടെ മഞ്ഞ
നിങ്ങളുടെ മുഖത്തെ കാണാൻ അഴകുള്ളതാക്കി മാറ്റുന്ന കൺ പുരികരോമങ്ങൾ നിർമ്മിക്കപ്പെട്ടിരിക്കുന്നത് കെരാറ്റിൻ പ്രോട്ടീനുകൾ ഉപയോഗിച്ചുകൊണ്ടാണ്. പ്രോട്ടീന്റെയും ബയോട്ടിന്റെയും സമൃദ്ധമായ ഉറവിടമായ മുട്ട നിങ്ങളുടെ പുരികൾക്ക് ആവശ്യമായ കെരാറ്റിനുകളെ നൽകും. മുട്ടയിൽ നിന്നും മഞ്ഞയും വെള്ളയും പ്രത്യേകം വേർതിരിച്ചെടുക്കുക. ഇതിലെ മഞ്ഞ മാത്രം നന്നായി അടിച്ചു പതപ്പിച്ചെടുത്ത് പുരികങ്ങളിൽ തേച്ച് മസാജ് ചെയ്യാം. 20 മിനിറ്റ് ഇത് വച്ചശേഷം കഴുകിക്കളയാം. ആരോഗ്യത്തിനും വളർച്ചയ്ക്കുമായി ആഴ്ചയിൽ രണ്ടുതവണയെങ്കിലും നിങ്ങളുടെ പുരികങ്ങളിൽ മുട്ടയുടെ മഞ്ഞ ഉപയോഗിക്കുക.
Also read: ചർമപ്രശ്നങ്ങൾ എന്തുമാകട്ടെ, പരിഹാരം കറ്റാർവാഴയിലുണ്ട്
പെട്രോളിയം ജെല്ലി
അവസാനത്തേതും നിങ്ങളുടെ പുരികങ്ങൾക്ക് കൂടുതൽ ഗുണപ്രദമായതുമായ ഒരു ചേരുവയാണ് പെട്രോളിയം ജെല്ലി. ഇതിൻ്റെ ഉപയോഗം നിങ്ങളുടെ പുരികത്തിന് മികച്ച രീതിയിൽ ഈർപ്പം പകരാൻ സഹായിക്കും. വേണ്ടത്ര ഈർപ്പം ലഭിക്കുന്നത് കട്ടിയുള്ള പുരികവളർച്ചയെ മികച്ച രീതിയിൽ സ്വാധീനിക്കും. പെട്രോളിയം ജെല്ലിയിൽ ചർമത്തിന് നിനവ് നൽകാൻ സഹായിക്കുന്ന പെട്രോളാറ്റം എന്നാ ഘടകം അടങ്ങിയിരിക്കുന്നു. എല്ലാ രാത്രിയിലും കിടക്കുന്നതിനു മുൻപ് നിങ്ങളുടെ പുരികങ്ങളിൽ പെട്രോളിയം ജെല്ലി പുരട്ടുന്നത് ശീലമാക്കുക. കട്ടിയുള്ള പുരികങ്ങൾ സ്വന്തമാക്കാനുള്ള നിങ്ങളുടെ ആഗ്രഹത്തെ പൂർത്തീകരിക്കാൻ ഇത് സഹായമേകും.
മുഖത്തിന് സ്വാഭാവികതയും അഴകും തോന്നിക്കാൻ കട്ടിയുള്ള പുരികങ്ങൾ വേണമെന്നുപ്പാണ്. ഈ നുറുങ്ങുകൾ വീട്ടിൽ തന്നെ പരീക്ഷിച്ചാൽ വളരെ പെട്ടെന്ന് തന്നെ ഇത് നേടിയെടുക്കാനാകും. പിന്നെ പുരികങ്ങൾക്ക് കട്ടി കുറവാണ് എന്ന് ആരോടും പരാതി പറയേണ്ടി വരികയുമില്ല.